Page 37 - revista agaca 153_web

37
trampas contra a velutina no propio colmear.
De ser posible, colocar un exemplar de velu-
tina (mellor unha raíña) dentro da trampa,
porque atraerá a máis velutinas polo efecto
das feromonas e actuará como repelente
para as abellas. Os restos dun niño primario de
velutina tamén exercen como un bo atraínte,
e mesmo a auga de cocer a cera. Debe
evitarse que afoguen no líquido xa que as
raíñas vivas na trampa provocarán un maior
achegamento.
As raíñas mantéñense de glúcidos de plantas de
especies asiáticas e de froiteiras en flor: a aralia
(árbore de Angélica), a camelia de flor simple
vermella e con estames, a árbore de cepillo,
a nespereira xaponesa, a hedra, a pereira e
outras froiteiras en flor (ameixeiras, maceiras...)
e atópanse nas árbores que poidan ter pole ou
pulgón, por exemplo, o salgueiro, e mesmo na
contorna dos composteiros e nas cabanas, onde
se garda o material do apicultor.
ATRAÍNTE CASEIRO
 Para 20/25 trampas
 50 g de levadura fresca do pan
 2 kg de azúcre diluídos en 5 l de auga
morna.
 Para 2/3 trampas
 200 g de azúcre e 0,5 l de auga
 5 g de levadura
A duración do atraínte dependerá da
temperatura ambiental, aínda que
normalmente coa temperatura primaveral
debe cambiarse cada 12 ou 15 días.
tendencias
COMO DEBEN SER AS TRAMPAS
Deben ser o máis selectivas posible para
evitar que entren nelas outros insectos
polinizadores fundamentais para a repro-
dución de plantas e cultivos.
Pasos:
1.- Na parte superior dunha botella
faremos dous buratos enfrontados, cun
diámetro de entre 8 e 9 mm. Así, insectos
como os abellóns, bolboretas e avelaíñas
non poderán entrar.
2.- Xusto por debaixo das entradas repeti-
remos a operación cos buratos de saída,
tamén enfrontados, que deberán ter un
diámetro de entre 4 e 5 mm e para os
que se pode empregar unha broca para
madeira ou un cravo de tamaño ache-
gado. As medidas idóneas serían 8 ou 9
mm para as entradas e 4 ou 5 mm para
as saídas.
3.- Nos buratos de entrada, como se
amosa na fotografía superior, é acon-
sellable colocar unha campaíña, e no
interior da botella, un cortizo ou calquera
outro elemento flotante no líquido atraínte
para que as velutinas queden pechadas
na trampa sen opcións de escape.
Para calquera dúbida ou aclaración, contactar
coa Asociación Galega de Apicultura (Delega-
ción Ferrolterra no teléfono.- 661 378 960
Rafa Díaz,
Pastor de abellas e técnico apícola da AGA
Nº 153 Maio 2021