Page 29 - revista agaca 153_web

29
Con tempo caloroso e húmido debería evitarse
administrar bagazo en fresco, xa que aumentan as
posibilidades de fermentacións indesexables da
comida.
2- Almacenamento sen paredes
Dáse cando o bagazo se deposita sobre o chan,
cóbrese con material plástico, péchase ao redor
con peso para que quede hermético e permanece
pechado ata o seu consumo.
O contido en humidade elevado e o tamaño de
partícula pequeno provocan que a chea de bagazo
se espalle tras a descarga, sendo necesario recoller
os laterais e achandar a zona superior, eliminando
as gretas que se produzan na descarga para deixar
a chea o máis uniforme posible, conseguindo que o
material plástico se adapte perfectamente e quede
o máis hermético posible ao pecharse.
3.- Almacenamento entre paredes
Na base de formigón hai paredes laterais que evitan
que o bagazo se estenda lateralmente. Este alma-
cenado permite amontoar a maior altura para facer
provisión de cantidades máis elevadas na mesma
superficie de almacenaxe. Non son recomendables
alturas superiores a 1 metro dado que a humidade
do bagazo posibilita o derrube da fronte cando
comece o seu uso.
caderno técnico
As dimensións do silo de almacenamento deben
ir condicionadas á cantidade diaria de produto a
consumir na explotación, de maneira que unha vez
aberto poida garantirse, como mínimo, o avance
diario de 10 centímetros en toda a superficie frontal
do bagazo. Como orientación, dicir que nun metro
cúbico caben 1.100 kg de bagazo fresco.
Tapado
É imprescindible achandar e eliminar gretas na
superficie do bagazo antes da colocación da
cuberta plástica, para facilitar a súa adaptación e
mellor conservación.
Unha vez preparada a chea de bagazo débese
cubrir con material plástico para asegurar a imper-
meabilidade e evitar o seu deterioro aeróbico tanto
durante a almacenaxe como co seu uso posterior.
BAGAZO DE CERVEXA
O máis recomendable é utilizar dúas cubertas: como
primeira capa en contacto co bagazo, unha lámina
de filme plástico que se adhire e axusta moi ben á
superficie (do mesmo xeito que o filme alimentario)
evitando bolsas de aire e mesmo, unha vez iniciado
o consumo, a súa adherencia limita a entrada de
aire mellor que a lona de polietileno; ademais,
cando está aberta é moi cómodo (ao ser moi lixeira)
volver tapar a fronte se hai posibilidade de choiva e
xa, sobre o filme colócase unha lona de polietileno,
que ten maior consistencia.
Nº 153 Maio 2021