Page 22 - revista agaca 157_web

22
caderno técnico
compran semana a semana e as diferenzas
de peches nun ano de tantos vaivéns poden
ser moi grandes dunhas fábricas a outras, en
función de cando se materialice a compra.
Se tomamos como referencia unha granxa
media de 100 vacas en lactación, cunha
produción media de 35 litros/vaca e día
(1.277.500 l/ano), cunhas 16 vacas secas de
media, que faga a súa recría con arredor de
60 xatas de diferentes idades e cuns consumos
de penso medios por animal e día de 11 kg/
vaca en lactación, 3 kg/vaca seca e 3 kg/
xato, resulta nun consumo anual de 478 t de
concentrado.
Isto danos un consumo de penso de lactación
de 310 g/l vendido e, se contamos secas e
xatas, duns 374 g/l vendido.
Cos datos apuntados do MAPA (aumento de
custo por t de penso: 88 €/t entre agosto 2020
e decembro 2021) é fácil deducir que este
incremento de prezo do penso nesta gandería
tipo supoñeríalle 42.064 € máis de gasto por
ano e, dividido pola produción anual, resulta
en 32,93 €/t de leite vendido.
Como media, o incremento de prezo do
concentrado en CLUN, entre agosto de
2020 e decembro de 2021, foi de 35€/t
fronte aos 88€/t reflectidos polo MAPA.
A realidade é que comparando anos completos
e enfrontando o ano 2021 co 2020, a diferenza
do custo do concentrado foi segundo o MAPA
de 55 €/t, que supoñen —para esa gandería
de 100 vacas en lactación— uns 26.297€ ou,
o que é o mesmo, un incremento de custos de
produción de 20,6 €/t de leite vendido.
C.G. Cantos céntimos por litro de leite se
incrementan os custos cunha suba do 30%
dos pensos na media das granxas que
xestionades?
Nº animais
Nº vacas lactación 100
Nº vacas secas 16
Nº xatos 60
A.M. No caso de CLUN e das cooperativas en
xeral que estamos na Central de Compras de
Delagro, aínda marcando unha subida impor-
tante dos prezos en 2021 fronte ao 2020, esta
foi moi inferior á media do mercado grazas ás
boas posicións de compras que tiñamos e a
que, en particular, CLUN apostou por trasladar
integramente esas boas posicións a gandeiros
e gandeiras, ademais de aplicar unha polí-
tica de descontos por melloras loxísticas que
contrarrestaron a subida da materias primas.
Como media, o incremento de prezo do
concentrado en CLUN entre agosto do 2020
e decembro de 2021 foi de 35 €/t fronte aos
88 €/t reflectidos no MAPA, e tomando do
Programa de Xestión Técnico Económica o
dato de consumo de concentrado 380 g/l,
supón un incremento do custo de produción
de 13,3 €/t de leite debido aos concentrados.
C.G. A que alternativas de xestión técni-
co-económica pode optar unha granxa que
cos ingresos non logra cubrir os custos de
produción, deixando á marxe a opción de
abandonar e deixar de producir?
A.M. Isto é moi sinxelo: se a conta non dá
ou atacamos a primeira liña (aumentar os
ingresos) ou atacamos a segunda (diminuír os
gastos).
Isto que é tan evidente non é tan fácil de
levar á práctica, entre outras razóns porque o
principal ingreso é a venda de leite e a nivel
granxa pouco ou nada podemos influír no seu
prezo, polo que só nos queda influír na canti-
dade producida (por vaca para aumentar
eficiencia e por explotación para reducir os
custos fixos). Nos custos, o principal é o gasto
en concentrado e, de novo, pouco podemos
influír no seu custo; como moito, tratar de ser
máis eficientes e diminuír o seu consumo sen
rebaixar a produción.
Kg/animal/día t/mes t/ano
11 33 396
3 1,44 17
3 5,4 65
478