Page 27 - revista agaca 157_web

27
necesidade de ter almacenamento suficiente
para cumprir coa legalidade ambiental e
para poder sacarlle proveito nas épocas de
semente. Do mesmo xeito, todas aquelas
prácticas encamiñadas a evitar perdas de
nitróxeno por volatilización van cobrar cada
día máis peso.
No caso do combustible é máis difícil de
avaliar o impacto, debido a que hai unha gran
diferenza entre explotacións en canto á exter-
nalización de traballos agrícolas. A valoración
deste impacto resulta máis sinxela naquelas
explotacións integradas nun programa de
xestión técnico-económica que conta cos
consumos desta. Poderíase realizar unha
previsión do impacto nos custos de produción
e, así, do impacto nos custos de produción das
forraxes.
Algo similar ocorre coa electricidade, onde
o incremento de custo foi moi dispar dunhas
granxas a outras, segundo o tipo de contrato
que tivesen pactado. Neste caso contamos
con explotacións moi profesionalizadas, con
instalacións de eficiencia enerxética nas súas
granxas, como pode ser o intercambiador de
placas, o variador de frecuencia na bomba
da sala de muxido... ou cada vez máis explota-
cións contan con instalacións de placas foto-
voltaicas; todo iso permítelles ter un consumo
baixo de electricidade e mesmo mellorar a
calidade do leite, como é o caso do intercam-
biador de placas.
Aínda así, nunha explotación tipo de 100 vacas
en muxido que conte con intercambiador de
placas e variador de frecuencia, o consumo
medio mensual da explotación rolda os
2800 kW/mes, o prezo medio do quilowatt no
primeiro semestre do 2021 para unha granxa
deste tipo que se atopa no mercado libre rolda
os 12 cts/ kW, fronte aos 20 cts/ kW de xaneiro
de 2022; esta variación supón un incremento
no prezo do quilowatt do 66%. Se o pasamos
ao custo por litro de leite supón un incremento
nos custos de produción de 2 €/t.
C.G. Sabemos que para viabilizar as explo-
tacións gandeiras non queda outra opción
que incrementar o prezo do leite e do gando
comercializado pero, a que outros aspectos
da xestión técnico-económica deben prestar
atención neste momento? Como abordar a
campaña forraxeira do 2022?
caderno técnico
A.M. Para este ano 2022, ás portas da campaña
de ensilado de herba, a primeira decisión
crucial será a de se adobar ou non e, en caso
de facelo, con que e que dose.
Non caiamos no erro de pensar que
reducir custos é non adobar.
Non caiamos no erro de pensar que reducir
custos é non adobar. Iso é reducir gasto, pero,
se non adobamos, especialmente con nitró-
xeno (podemos obviar un ano a aplicación de
fósforo e potasio), a cantidade de herba produ-
cida por hectárea será moi inferior e, o que é
peor, a súa calidade verase moi minguada. E,
a todo isto, os custos da semente, da labra de
semente, da sega e case ata os da colleita son
moi similares nun caso ou outro, pero, ao reco-
ller menos kg/ha, o custo do kg de silo será moi
superior no caso de non adobar e, ademais,
será silo de peor calidade. Ese silo encarecerá
a ración e minguará a súa eficiencia alimen-
ticia e o que parecía un aforro traducirase nun
maior custo de produción.
C.G. A que elementos se presta atención
hoxe en día nas granxas para acadar a
máxima eficiencia produtiva?
A.M. Asumindo que a xenética, aínda sen
alcanzar o seu teito, está nun nivel moi alto
e que o control da alimentación é cada vez
maior, o que cobra cada día máis importancia
é o manexo, a atención do gando, o confort
das vacas, a xestión da reprodución e o control
de custos da recría, tendo en conta que a recría
é o segundo custo importante na explotación.
É crucial dimensionar ben o rabaño en función
dos obxectivos marcados polo gandeiro, posto
que un exceso vai a penalizar a conta de
resultados; a máis diso, o xa mencionado de
mellorar a produción forraxeira en cantidade e
sobre todo en calidade.
Cada día son máis importantes o
manexo, a atención do gando, o confort
das vacas, a xestión da reprodución e
o control de custos da recría, así como
dimensionar ben o rabaño e mellorar a
produción forraxeira.
Nº 157 Marzo 2022