Page 46 - revista agaca 168_web
P. 46
46
novas
Grupo Coren, máis presente en festivais cunha
segunda food truck e eventos a nivel nacional
O Grupo Coren, baixo a presidencia de Manuel Gómez-Franqueira, arrinca unha segunda tempada co seu
innovador concepto de food truck, consolidándose como un referente en eventos gastronómicos. Tras o éxito
do ano anterior, a cooperativa amplía a súa frota cunha nova furgoneta de 10 metros cadrados, sumándose
ao gran tráiler de 50 metros cadrados.
Ambos os vehículos destacan polo seu moderno deseño e a promoción da súa gama de porco alimentado
con castañas, coñecido como «O de Castañas», transmitindo os valores de benestar animal, respecto ao
medio ambiente e máxima calidade de Coren.
A nova tempada comezou coa participa-
ción no FIV de Vilalba e o Outopía Festival
de Ourense, onde se estreaba a nova food
truck. Ao longo dos próximos meses, estarán
presentes en festivais de renome tanto en
Galicia como a nivel nacional, como O Son
do Camiño en Santiago, Resurrection Fest
de Viveiro, Morriña Fest da Coruña, Festival
da Luz de Boimorto, Revenidas de Vilagarcía,
Caudal Fest de Lugo, Negrita Music Festival
de Salamanca, Toledo Beat, Reggaeton
Beach Festival de Avilés ou o Rocanrola de
Alicante.
Vegalsa-Eroski reúne a 350 representantes de empresas,
denominacións de orixe, cooperativas agrarias,
entidades e institucións do sector agroalimentario
No marco do X Encontro coa Industria Alimentaria, a empresa de distribución alimentaria Vegalsa-Eroski reuniu
a provedores e produtores para compartir os resultados do exercicio 2023 e presentar o plan estratéxico
para os tres próximos anos, que combina a xeración de resultados empresariais coa creación de riqueza na
contorna, a satisfacción plena das persoas consumidoras e o fomento dunha alimentación saudable.
A compañía galega incrementou preto
dun 19 % o seu investimento en compras
a provedores locais en 2023 ata alcanzar
os 539 millóns de euros, o que representa o
40 % das súas compras totais. Desta cifra, o
83 % (449 millóns) corresponde a compras
realizadas a provedores galegos, o 6 % (34
millóns) a provedores asturianos e o 10 % (56
millóns) a provedores castelán leonenses.
En 2023 a compañía colaborou cun total
de 924 provedores e pequenos produtores
locais, dos que 738 son galegos, 63 astu-
rianos e 123 castelán leonenses. Isto supón
que un de cada dous provedores cos que
colabora Vegalsa-Eroski para garantir a cali-
dade dos seus produtos é de ámbito local.
Nº 168 Maio 2024