Page 48 - revista agaca 168_web
P. 48
48
novas
AGACA participa no II Encuentro de
Empresarios. Ética, Bien Común, Sostenibilidad
O 11 e 12 de abril desenvolveuse o II Encontro
de Empresarios que xuntou en Santiago de
Compostela a máis de douscentos empresarios,
empresarias, directivos, directivas e profesionais
que reflexionaron sobre ética, ben común e
sostibilidade na Hospedería do Seminario Maior.
O primeiro día desenvolveuse a Misa do Pere-
grino, presidida polo arcebispo de Santiago,
monseñor Francisco Prieto, na Catedral e, de
seguido, a Orquesta Clásica de Vigo e o Orfeón
Terra A Nosa ofreceron o concerto «Mozart: A
Misa da Coroación».
A segunda xornada xa estivo dedicada inte-
gramente a debater as contribucións da Igrexa
Católica ás reflexións éticas sobre Intelixencia
Artificial, a ética e a economía no horizonte da
sostibilidade, e o ben común dende a perspec-
tiva contemporánea.
Martín Códax acolle o Foro Mundial de
Cooperativas Vitivinícolas 2024
Destacados especialistas do sector do viño
como Ramón Estruch e Antonio Cruces,
coordinador científico e director, respectiva-
mente, da Fundación para a Investigación
do Viño e Nutrición, ou Rafael del Rey, director
do Observatorio Español do Mercado do
Viño, protagonizaron os relatorios estrela do
Foro Mundial de Cooperativas Vitivinícolas
2024, desenvolvido nas bodegas Martín
Códax (Cambados) o 24 de maio.
As temáticas abordadas foron «A relación
entre o consumo moderado de viño e un
estilo de vida saudable» e «As grandes
tendencias do viño no mundo», derivando
de seguido na mesa redonda «Nas coope-
rativas está a solución».
O evento rematou, tras un cóctel de clau-
sura, cunha visita ás cooperativas Condes
de Albarei e Paco&Lola.
Nº 168 Maio 2024