Page 35 - revista agaca 168_web

35
O 1 de xuño entra en vigor o Plan 2024
de seguros pecuarios, que inclúe 12 liñas
gandeiras e 3 acuícolas
Os plans de seguros pecuarios contan coa
particularidade de que, aínda que son
seguros que poden contratarse durante
todo o ano, cada plan novo comeza o 1de
xuño e esténdese ata o 31 de maio do ano
seguinte. É dicir: actualmente, atopámonos
no comezo do plan 2024 de seguros
pecuarios, que inclúe 12 liñas gandeiras e
3 acuícolas.
Por este motivo, durante as últimas semanas do
mes de maio, Agroseguro presentou a través de
diferentes reunións as novidades máis relevantes
que se inclúen nas liñas de seguros gandeiros.
Entre as principais novidades que presenta o Plan
2024 de seguros pecuarios, destaca a mellora
das garantías e indemnizacións na cobertura
de calidade do leite da liña de vacún de repro-
dución e produción, un dos principais sectores
gandeiros en España. Ademais, actualizáronse á
alza os gastos veterinarios cubertos en caso de
prolapsos de matriz, cesárea, desprazamento do
abomaso, por ataque de animais ou polos danos
de sementais en centros de reprodución.
Así mesmo, ampliouse a cobertura de mamite
para exemplares de vacún de carne de ata nove
anos, e mellorouse o método de cálculo da proli-
ficidade (capacidade de procrear) ao ampliar
a media de cálculo de nacementos ata os tres
últimos exercicios, evitando prexuízos a aquelas
explotacións que sofren unha diminución nun
ano concreto.
Ademais, no Plan 2024 actualízase un 20 % o valor
de diferentes razas de vacún de cebo e do ovino
e caprino de cebo, incrementándose un 40 % no
caso de ovellas e cabras de leite.
Crece o aseguramento de liñas
pecuarias
O Plan 2023 supera os 422 millóns de animais
asegurados. O capital asegurado supera os 4266
millóns de euros e convértese na maior cifra dos
últimos cinco anos.
tendencias
Entre as principais liñas, a contratación do seguro
de vacún de reprodución e produción no Plan
2023 pecha con máis de 1,5 millóns de vacas
aseguradas (cifra moi similar ao plan anterior), e
un capital asegurado de 1970 millóns de euros.
Galicia é a comunidade autónoma na que máis
se utiliza este seguro e durante o plan anterior
superou os 464 000 animais asegurados. A conti-
nuación, en Castela e León alcanzan case as
272 000 cabezas de vacún contratadas, en
Cataluña e Asturias supéranse os 258 000 e os
254 000 animais contratados respectivamente,
e en Cantabria, os 110 000. Estas cinco comu-
nidades autónomas suman o 75 % do total dos
animais asegurados a nivel nacional.
Ademais, o seguro de vacún de cebo, tras as
importantes mellores introducidas nos últimos
anos, crece ata os 141 000 animais asegurados
–un 33 % máis que no plan anterior– e 125 millóns
de euros de capital asegurado. Respecto ao
sector ovino e caprino, o número de animais
asegurados roza os 1,5 millóns –un 7 % máis– con
139 millóns de euros de capital asegurado.
Gandeiros satisfeitos co seguro
agrario
As boas cifras rexistradas demostran que os
gandeiros consideran ao seguro agrario unha
ferramenta útil para o desenvolvemento do seu
traballo. Algo que tamén reflicten as valoracións
alcanzadas no estudo de satisfacción que dende
Agroseguro, e a través dunha empresa externa,
realízase cada ano. No último que se elaborou,
correspondente ao Plan 2023 a nota media outor-
gada polos gandeiros asegurados alcanza un
7,57 sobre 10.
Nº 168 Maio 2024