Page 36 - revista agaca 151_web

36
tendencias
ToTCOOP+iTECH, un proxecto para aprender
a xestionar cooperativas xogando
ToTCOOP+iTECH (Tecnoloxía para a inno-
vación na formación das cooperativas
agroalimentarias europeas na era dixital)
ofrece ferramentas innovadoras para
formadores en cooperativismo.
En 2018 AGACA embarcou no proxecto
ToTCOOP+iTECH, que ten por obxectivos, en
primeiro lugar, transformar a oferta actual de
formación profesional continua no sector coope-
rativo nunha formación baseada nas novas
tecnoloxías e modelos de ensino da era dixital e,
en segundo lugar, fortalecer os coñecementos
e habilidades dos Consellos Reitores nos eidos
de administración e xestión de cooperativas,
mediante a súa participación directa no proceso
formativo.
Proximamente está prevista a realización dunha
xornada piloto na que se mostrarán en profundi-
dade algúns dos resultados do proxecto, como o
Manual Infográfico sobre recursos tecnolóxicos
innovadores para formación e o Manual de Boas
prácticas para Innovación no aprendizaxe, docu-
mentos de apoio para as persoas encargadas da
formación de consellos reitores e de aspirantes a
entrar neles á hora de servirse da ampla varie-
dade de programas informáticos, ferramentas
dixitais e outros recursos que as novas tecnoloxías
ofrecen para facilitar o ensino e a avaliación de
coñecementos.
Por outra banda, presentarase tamén Mi Granja,
unha plataforma web destinada á formación a
distancia onde o alumnado pode consultar o
temario, que abrangue dende Comunicación e
Márketing ata Disposicións Legais, Política Agraria
ou Xestión de investimentos e financiamento. Mi
Granja serve tamén como apoio á formación
presencial e contén recursos pedagóxicos para a
formación, como diversas actividades con base
lúdica para realizar na aula ou a distancia, así
coma un cuestionario interactivo.
ToTCOOP+iTECH ofrece unha plataforma
web, unha App e 10 xogos para
formación en xestión e administración
cooperativa
Ademais, dentro do proxecto creouse tamén unha
App para teléfono móbil, My Coop, onde se pode
repasar o temario e completar cuestionarios de
autoavaliación.
Finalmente presentaranse tamén 10 xogos serios:
actividades con formato lúdico deseñadas para
avaliar a adquisición de coñecementos en cada
unha das 10 unidades didácticas do temario.
ToTCOOP+iTech está cofinanciado polo programa
Erasmus+ da Comisión Europea e o consorcio
que o desenvolve está formado por sete organi-
zacións de seis países: por España, AGACA e a
cooperativa de traballo asociado MedAtlantia;
de Irlanda, e liderando o proxecto, ICOS (Socie-
dade Irlandesa de Organizacións Cooperativas);
de Letonia, LLKC (Centro Letón de Formación e
Asesoramento Rural); de Polonia, SNRSS (Asocia-
ción de Cooperativas Sociais); de Italia, a tecno-
lóxica GrifoMultimedia e de Suecia, a consultora
social ChangemakerAB.