Page 24 - revista agaca 168_web

24
caderno técnico
de remuda xeracional en territorios con gran
potencial produtivo que achega interesantes
oportunidades laborais. Ano tras ano, Galicia
segue a ser unha das comunidades máis envelle-
cidas e que perde máis habitantes.
O mundo rural padece graves problemas de
substitución xeracional, mesmo en territorios con
potencial produtivo. Por exemplo, os tres territorios
nos que a implantación de Habita Rural está
máis consolidada —Xermade, Muras e Ourol—
perderon poboación entre 2022 e 2023, e a media
de idade dos seus habitantes sitúase nos 56 anos.
A situación repítese en Boimorto, Vilasantar e
Sobrado dos Monxes, os tres concellos nos que
o proxecto de Ecos do Sur está a expandirse en
2024.
A solución Habita Rural
Habita Rural propón unha solución innovadora
ao combinar os recursos desaproveitados das
persoas e os territorios, xerando efectos positivos
que van máis aló dos beneficiarios directos. Isto
implica a chegada de novos habitantes, a crea-
ción de relacións sociais, o impulso de iniciativas
emprendedoras e a mellora da calidade de
vida nas comunidades de acollida. O proxecto
busca aproveitar o potencial económico, social
e cultural destas áreas, contrarrestando a perda
de oportunidades laborais e revitalizando os
territorios.
Nº 168 Maio 2024
Así traballa Ecos do Sur
Segundo sinala o equipo responsable do
programa, nunha primeira parte lévase a cabo
unha diagnose coa identificación de axentes
clave locais e xeración de redes de colaboración;
a continuación, identifícanse residentes nas
cidades en situación de vulnerabilidade dispostas
a traballar e residir no rural e, despois, inícianse
diferentes itinerarios. Paralelamente, facilítanse
oportunidades de emprego en áreas moi nece-
sarias no territorio, á vez que se procuran persoas
que poidan encaixar e desempeñar, a futuro,
un traballo que lles guste. Deste xeito, procúrase
atraer poboación que axude a dinamizar zonas
en declive demográfico.
Os resultados
No último ano, a maior parte das persoas usua-
rias de Ecos do Sur que finalizaron o proceso
formativo e o itinerario personalizado de inserción
rematou con traballo no rural. A metodoloxía
de actuación, sumada á bagaxe que acumula
Ecos do Sur despois de ter traballado máis de
30 anos con persoas en exclusión, fai de Habita
Rural unha solución para algúns dos problemas
demográficos existentes, ao adoptar un modelo
de intervención comunitaria orientado a dina-
mizar o territorio rural e facilitar o asentamento
da nova veciñanza. Este proxecto tamén conta