Page 46 - revista agaca 167_web

46

novas
AGACA e AGAFAC explican a realidade do sector

ante a prensa estranxeira

O director-xeral de AGACA, Higinio Mougán, e o da Asocia-
ción Galega de Fabricantes de Alimentos Compostos,
AGAFAC, Bruno Beade, participaron nunha charla -coloquio
desenvolvida no Centro Internacional de Prensa co fin de
aclarar a situación que está a vivir o sector afastando o
foco de novas falsas ou partidistas.

Ambos os participantes estiveron de acordo na impor-
tancia de acadar políticas de protección ambiental, pero
esixindo a participación do sector nas negociacións.
Beade explicou o funcionamento dos mercados dos
pensos, a súa dependencia dos movementos xeopolíticos
dende unha óptica mundial, a suxeición ás cotizacións bursátiles, sendo un campo fortemente vinculado
á especulación, e como a implantación de normativas no ámbito da Unión Europea pode imposibilitar a
fluidez nos mercados con outros países produtores extracomunitarios ata o punto de bloquear as transaccións
mercantís.

Mougán denunciou certa hipocrisía á hora de impoñer medidas ambientais cuxa implantación supón un
maior custo enerxético e contaminante que a práctica que se pretende modificar e a utilización do agro
como unha moeda de cambio para favorecer a mercados doutros sectores, ademais da parcialidade nas
opinións vertidas por «certas elites sociais» que verten ideas incertas sobre o sector contribuíndo a lanzar unha
mala imaxe sobre agricultores e gandeiros.

Ternera Gallega asina un convenio de
colaboración con Froiz

A cadea galega Distribuciones Froiz e a IXP Ternera Gallega
manteñen o seu compromiso coa comercialización de
carne de tenreira certificada e formalizan un convenio de
colaboración entre ambas as entidades, que consolida
máis de 30 anos de traballo conxunto e de aposta polo
vacún galego de calidade.
Mediante o acordo formalizado, o produto amparado por
Ternera Gallega chega a 259 establecementos, tanto de
Galicia coma de fóra da comunidade.

Os viños de Viña Almirante, en

racha de premios

A cooperativa vitivinícola Viña Almirante (Portas-Caldas de Reis) está de parabén
cos seus viños de uva albariña neste 2024.
Na Guía de Viños, Destilados e Bodegas de Galicia 2024 acadaron premios os
viños: Vanidade 2022, Pionero 2022, Viña Almirante Caíño Branco 2021, Viña Almi-
rante 2022, Maccerato 2022 e Vicius 2022, logrando o Gran Oro co Vicius 2022.
A adega ten previsto continuar presentado os seus viños a máis certames nos
vindeiros meses.

Nº 167 Marzo 2024