Page 48 - revista agaca 167_web

48

novas

ADSG AIRA analiza a incidencia da EHE en
España e Galicia

O equipo veterinario de ADSG AIRA organizou, o
21 de febreiro, unha xornada formativa no Audi-
torio de Chantada dirixida ás persoas socias da
ADS de Palas de Rei, Chantada, Carballedo e
Taboada. A cita contou con diversos profesio-
nais para abordar a Enfermidade Hemorráxica
Epizoótica.
Alberto Díez, veterinario clínico especialista en
ruminantes e profesor asociado de Sanidade
Animal da Facultade de Veterinaria da Univer-
sidad Complutense de Madrid, contextualizou a
evolución da enfermidade no noso país, tratou
a morbilidade e a mortalidade, ademais das
secuelas que deixa nas ganderías, e expuxo
medidas de control e prevención. Víctor Collado, técnico do departamento de Gandería en Cooperativas
Agro-alimentarias de España, incidiu en que o sector, os veterinarios e a administración tiveron que afrontar
con bastante descoñecemento o avance e desenvolvemento da enfermidade e expuxo algúns dos estudos
que se están levando a cabo na actualidade.
Antes da mesa redonda final, Xosé Lois Arias Pérez, xefe da área de Servizos Veterinarios de Medio Rural de
Monforte de Lemos, expuxo as condicións para o movemento do gando, os datos que hai en Galicia sobre a
enfermidade e as indemnizacións previstas pola Consellería.

A Fundación Caixa Rural Galega Tomás Notario
Vacas oferta dúas bolsas para

estudos de posgrao

En concreto convócanse dúas bolsas cun límite
máximo de dotación de 40.000 euros cada unha
para o estudo dun máster nunha universidade de
recoñecido prestixio nacional ou estranxeira.
A contía da bolsa poderá utilizarse para cubrir
gastos de matrícula e aloxamento. O importe final
dependerá da localización do centro no que se
realicen os estudos e do custo do programa do
máster.
Para poder optar a algunha das bolsas, os soli-
citantes deberán ter un título universitario, ter
vinculación con Galicia, podendo ser estudantes
recentemente licenciados ou profesionais que xa
estean a traballar na actualidade.
O prazo de solicitude estará aberto ata o 31 de
maio e as solicitudes, do mesmo xeito que as bases
desta convocatoria, poderán atoparse na páxina web www.fundacioncruralnotario.gal no apartado de
convocatorias.

Nº 167 Marzo 2024