Page 47 - revista agaca 167_web
P. 47
47
novas
Remata a 15 edición do curso sobre
Certificacións de Calidade e medioambientais
Nestes días vén de rematar a primeira edición das catro
previstas para este ano (no reconto xeral dende que se
inicia a impartición desta formación correspóndelle o
número 15) dun dos cursos con maior aceptación dos
ofrecidos por AGACA.
O curso gratuíto «A economía social e a modernización
do sector agroalimentario: Certificacións de calidade e
medioambientais» comezou o 1 de febreiro e rematou o
17 de marzo. Unha vantaxe é que pode seguirse a través
dunha plataforma de teleformación que permite ao
alumnado avanzar ao seu ritmo e acceder aos materiais
formativos en calquera momento.
A segunda edición desenvolverase entre o 1 de abril e o
12 de maio. Para máis información pode consultarse a nosa páxina web: www.agaca.coop
Esta actividade enmárcase no programa de actuación 2024 da Rede Eusumo. A Rede Eusumo é unha rede
de colaboración impulsada pola Secretaría Xeral de Apoio ao Emprego, Traballo Autónomo e Economía Social
da Consellería de Promoción do Emprego e Igualdade para o fomento do cooperativismo e a economía
social que conta co financiamento do Ministerio de Traballo e Economía Social.
AGACA e O Rodo promoven a participación
feminina no sector agroalimentario
Mulleres socias de O Rodo aceptaron a proposta da cooperativa (asentada na localidade pontevedresa
de Rodeiro) de participar, coa colaboración de AGACA, nunha xornada enfocada a animar a unha maior
presenza feminina nas actividades e reunións promovidas pola cooperativa.
A autoestima foi un dos aspectos tratados en maior profundidade, ao terse detectado tras múltiples estudos
que é un factor decisivo á hora de adoptar un papel activo dentro dunha organización. Outro dos puntos
analizados foi a incidencia do plano emocional sobre a motivación e comportamento das persoas.
Esta actividade é posible por unha actuación financiada a través do Programa de Asistencia Técnica 2024
enmarcado dentro das actuacións do convenio MAPA-Cooperativas Agro-alimentarias de España para o
desenvolvemento de diversas actividades de mellora da competitividade e modernización das cooperativas
agroalimentarias e a formación, igualdade e remuda xeracional en consellos reitores.
Nº 167 Marzo 2024
