Page 45 - revista agaca 161_web

45

novas
O Rodo recoñece publicamente o labor do seu

ex presidente, José Luis Camiñas

A celebración do Xantar de Confraternidade
que vén celebrando a cooperativa O Rodo con
carácter anual acolleu nesta ocasión un momento
sinalado, xa que, ademais de servir como espazo
de encontro informal entre socios e socias, serviu
para homenaxear a figura do seu ex presidente
José Luis Camiñas.
Camiñas exerceu como máximo representante
da entidade durante 13 anos ata que anunciou
a súa retirada o pasado mes de xuño durante a
celebración da asemblea xeral da cooperativa
para dedicar máis tempo á súa familia.

Martín Códax, recoñecida como mellor adega
aberta ao turismo de España

Adegas Martín Códax foi elixida mellor Adega Aberta ao
Turismo de España nos VI Premios de Enoturismo «Roteiros
do Viño de España», que outorga cada ano a Asociación
Española de Cidades do Viño (ACEVIN).
Estes premios supoñen un recoñecemento público ao labor
e o esforzo no desenvolvemento da oferta enoturística de
calidade por parte de centos de empresas integradas
en Roteiros do Viño de España. Concretamente, con esta
distinción, valórase á adega pola «extraordinaria adecua-
ción enoturística dos seus espazos, a súa calidade e
aposta pola sustentabilidade, así como pola ampla gama
de servizos e experiencias ofertadas, renovados periodica-
mente e resaltando os valores e tradicións locais».

O presidente de APE Galicia enxalza ao
colectivo autónomo no XII Congreso das

Persoas Traballadoras Autónomas

Despois dun ano de parón debido á pandemia
da COVID-19, o 5 de novembro máis de 200
persoas de toda Galicia reuníronse no Hotel
Carlos I de Sanxenxo para celebrar o XII
Congreso das Persoas Traballadoras Autónomas,
organizado por APE Galicia. O evento ten como
obxectivo principal recoñecer, visibilizar e home-
naxear a labor e o éxito das persoas traballa-
doras autónomas.
No acto distinguiuse con galardóns a sete autó-
nomas e autónomos, para recoñecer desta maneira as súas traxectorias profesionais e o esforzo realizado
para sacar adiante ás súas empresas, e entregáronse dous premios especiais.

Nº 161 Decembro 2022