Page 40 - revista agaca 161_web

40
tendencias
O crecemento do seguro,
tamén nas liñas pecuarias
O noso sector produtor —agrario e
pecuario— comezou 2022 consciente do
escenario habitual de riscos e circunstan-
cias capaces de alterar o seu día a día,
ben por ser situacións recorrentes (efectos
do cambio climático, fenómenos meteo-
rolóxicos) ou por formar parte do traballo
diario das súas explotacións, como os acci-
dentes e enfermidades do gando. Riscos,
graves e habituais, para os que o sistema
español de Seguros Agrarios é unha baza
eficaz, porque só o seguro agrario ofrece
aos nosos agricultores e gandeiros a posi-
bilidade de mirar ao futuro con confianza,
sabendo que teñen unha nova oportuni-
dade tras un sinistro grave.
O que, probablemente, non imaxinaron o pasado
1 de xaneiro é que un conflito bélico en territorio
europeo tensionaría a súa economía e aumen-
taría a incerteza de todo o noso sector primario.
Por iso, a seguridade e confianza que outorga
contar cunha póliza de seguro é unha cuestión
que se valora cada vez máis, e polo que as cifras
de aseguramento crecen de maneira conti-
nuada.
Vacún reprodutor: aseguramento en
alza
O ano 2021 pechouse con máis de 1,6 millóns
de exemplares asegurados, o que se traduce en:
1.870 millóns de euros en capital asegurado e,
aproximadamente, o 50% do valor asegurado no
total de liñas de seguros pecuarios; unha impor- de seguro de vacún de reprodución e produción
tante porción de toda a produción gandeira
española, e da nosa economía máis vital, que
vertebra o medio rural e achega alimentación de
calidade a todos os recunchos do país.
Só o seguro agrario ofrece unha
mirada de confianza ao futuro, cando
gandeiros e gandeiras saben que
teñen unha nova oportunidade tras un
sinistro grave.
As cifras de 2022, na liña de seguro de Vacún
Reprodutor, a poucas semanas de pechar o
exercicio, son positivas: rozan os 1,3 millóns de
animais asegurados, cun crecemento próximo ao
1% respecto ao aseguramento do ano pasado,
empuxadas pola contratación de seguros en
rexións como Galicia ou Cataluña (un 3% máis
de animais asegurados) e Castela e León, onde
se supera un 6% ao 2021. Ademais, o número de
cabezas aseguradas rexistra crecementos noutras
rexións, como Baleares, Castela-A Mancha,
Comunidade Valenciana, Madrid, Murcia ou País
Vasco, e mantén cifras similares en importantes
áreas gandeiras como Asturias.
En Galicia destaca o aseguramento
de 2022, cun 2,92% máis de vacas
aseguradas na liña de vacún de
produción e reprodución, ata superar
os 378.000 exemplares, máis de 500
millóns de euros de capital asegurado.
Posta a lupa sobre a principal zona produtora,
Galicia, destaca o aseguramento de 2022, cun
2,92% máis de vacas aseguradas na liña de
vacún de produción e reprodución, ata superar os
378.000 exemplares, máis de 500 millóns de euros
de capital asegurado con cobertura do sistema
español de Seguros Agrarios e xa moi preto —a
falta da parte final de ano, tradicionalmente de
alta subscrición e renovación das pólizas de
seguro— dos 580 millóns de euros totais de 2021.
De cumprirse as cifras alcanzadas en 2021, a liña
superará en case un 45% o número de animais
asegurados en 2012, cun capital asegurado un
63% superior: unha clara mostra da utilidade e
eficacia do seguro.
Melloras nas coberturas do vacún de
cebo
Á importante cabana gandeira que acabamos
de citar, temos que sumar case 150.000 exem-
plares máis de vacún de cebo, unha liña de
aseguramento que conta con outros 62 millóns
de euros de capital asegurado e que dende o
43º Plan de Seguros Pecuarios ofrece importantes
melloras.