Page 47 - revista agaca 159_web

47

novas
AIRA continúa medrando e pecha o 2021 cun

crecemento do 9%

Os datos presentados por Aira durante a súa Asem-
blea Xeral celebrada o 20 de xullo en Taboada
(Lugo) reflicten que a cooperativa segue conso-
lidándose como unha empresa líder e en plena
fase de expansión, ao lograr este ano un crece-
mento do 9,1%. A entidade continúa medrando a
un ritmo sostible e, nestes catro anos, dende que
se formalizara o proceso de integración no 2018
logrou un crecemento do 39%.
A Cooperativa segue a manter o seu compromiso
de valorizar a produción e servir de apoio aos case
3.000 socios e socias que a integran. “Seguimos
medrando e facémolo, como ven sendo habitual, a base de recortar as marxes de beneficio”, explica Daniel
Ferreiro, director xeral de Aira.

A Cooperativa pechou 2021 cunha facturación consolidada de 148,2 millóns de euros, ó manterse como
un referente nas áreas de negocio. Aira logrou un nivel de EBITDA de 5,6 millóns de euros, que permiten á
Cooperativa afrontar o volume de investimentos que manexa e que, ademais, deixa un excedente neto de 2,4
millóns de euros, dos que máis do 50% se capitalizará aos asociados.
Aira integra na actualidade a case 3.000 socios e socias. Xunto coas instalacións centrais situadas en Taboada
(Lugo), a Cooperativa conta con 15 delegacións repartidas principalmente na provincia de Lugo, así como
na Coruña e Pontevedra.

Clun aproba a súas contas e aposta pola renovación

para seguir crecendo

CLUN celebrou o 15 de xullo a súa Asemblea Xeral
Ordinaria de 2022, na que, entre outros puntos do
día, aprobáronse as contas do 2021.Nelas reflíctese
que a cooperativa consolidou a súa evolución
positiva e o seu crecemento dende 2019.

A facturación do grupo galego medrou un 7,5% en
2021 respecto a 2020, ata superar os 188 millóns de
euros. A destacar, o incremento de vendas en máis
de tres millóns e medio de unidades de leite coas
súas marcas Feiraco, Únicla e Clesa Bienatur nun
só ano, como a produción da planta de Clesa, que
pasou de fabricar menos de 2 millóns de quilos de produto en 2012 a superar os 35 millóns, desde que CLUN
se fixo cargo da súa xestión.

Ángel Miranda, director da división agrogandeira de CLUN manifestaba o bo rendemento e estabilidade que
achega a cooperativa ás persoas socias: «Para unha granxa ten moitas vantaxes pertencer á cooperativa»,
afirmación que se ve reforzada polo aumento da venda de pensos nun 12% respecto ao exercicio anterior.

O director xeral da CLUN, Juan Gallástegui, sinalou que «os números están avalando o traballo serio e rigoroso
de todo un equipo que funciona como un», e destacou que, «todas as empresas do grupo arroxaron un EBITDA
positivo», nunhas contas que foron aprobadas pola unanimidade das persoas asistentes á asemblea.

Nº 159 Agosto 2022