Page 48 - revista agaca 159_web

48

novas

A Fundación Caixa Rural Galega Tomás Notario

Vacas adxudica a primeira bolsa

para estudos de posgrao

A Fundación Caixa Rural Galega Tomás Notario
Vacas resolveu a primeira convocatoria de
bolsas para Estudos de posgrao coa conce-
sión dunha bolsa a Alexandre Rico Fernández,
un estudante de Meira de 25 anos que actual-
mente se atopa cursando un programa de
intercambio en Estados Unidos sobre a análise
de diferentes estratexias de tratamento de
enfermidades, así como a implementación e
manexo de datos en explotacións gandeiras.

Rico graduouse en Veterinaria na Facultade
de Lugo da Universidade de Santiago de
Compostela e decidiu ampliar a súa formación
en Minnesota (Estados Unidos) para realizar
un programa de intercambio universitario. Así,
presentou a súa solicitude para obter unha bolsa dotada cun máximo de 40.000 euros para cursar un Máster
en Medicina Preventiva Veterinaria impartido pola Universidade de California en Davis.
O estudante naceu no seo dunha familia de veterinarios e gandeiros da Terra ChÁ, sendo por iso coñecedor
do ambiente rural e da comunidade láctea. Ademais de destacar por méritos académicos, Alexandre tamén
destacou no aspecto deportivo formando parte da Selección Galega de fútbol sala sub-14, sub-16 e sub-19 e
foi membro do persoal do Azkar Lugo ata 2019.

Fonteboa desenvolveu convenios de prácticas con

233 empresas durante o curso escolar

Durante o último curso escolar, o Centro de Promoción Rural EFA
Fonteboa conseguiu pechar convenios de colaboración con 233
empresas para que o alumnado poida realizar as súas prácticas
formativas.
As entidades están relacionadas co sector servizos, clínicas veteri-
narias, hípicas e outras entidades deportivas e lúdicas vinculadas
ao ámbito agropecuario, así como con explotacións de vacún
de carne e leite. Segundo Luis García, director do centro: «Do total
de acordos subscritos non último curso académico, dous terzos
foron con empresas e explotacións gandeiras da Costa da Morte
e da comarca do Xallas. O resto sitúanse fóra destes ámbitos
comarcais, pero dentro de Galicia».
Parte do alumnado tamén gozou de prácticas no estranxeiro
a través do programa Erasmus+, en concreto, en Bretaña, na
Borgoña, en Normandía e en Irlanda, con estancias que oscilaron
entre as tres semanas e os tres meses.