Page 49 - revista agaca 159_web

49

novas

A ministra Yolanda Díaz visita Clun

Aproveitando a viaxe da vicepre-
sidenta segunda do Goberno e
ministra de Traballo, Yolanda Díaz
en xuño a Santiago de Compos-
tela, para presentar o Manifesto
da Economía Social, a ministra
visitou as instalacións de Clun no
concello de Ames acompañada
por José Miñones, delegado do
Goberno en Galicia, e de Mara-
villas Espín, directora xeral de
Traballo Autónomo, da Economía
Social e da RSE.

Segundo a vicepresidenta
segunda do Goberno, Clun «repre-
senta os valores e as grandes
oportunidades que temos dende
a economía social porque, en
primeiro lugar, é unha economía
afincada ao territorio, que fixa
poboación nas zonas rurais e que
ademais demostra que se pode
vivir no rural [...] e do rural. En
segundo lugar, porque CLUN está
facendo algo moi importante:
arrincar no sector agrogandeiro e
rematar todo o ciclo produtivo. Isto
é dunha relevancia extraordinaria
que non é máis que un espello no que queremos mirarnos e que queremos espallar. En
terceiro lugar, a experiencia de fusionar cooperativas fainos máis resilientes para poder
ensanchar os nosos produtos nun mundo que é global e moi complexo».

Por outra banda, unha das inquedanzas de Díaz era conversar coas mulleres que dirixen
explotacións e tamén representan á cooperativa ante quen aseverou: «Quero darlle un
pulo a isto, porque é verdade que a economía social é feminista e, por tanto, como somos
moitas as mulleres, en Galicia singularmente, que estamos traballando na economía
social en distintas fórmulas xurídicas, é unha experiencia que estou desexando coñecer
e escoitar».

Nº 159 Agosto 2022