Page 48 - revista agaca 158_web
P. 48
48
novas
Xornada de Proteinleg sobre o impacto da crise de
Ucraína na gandería galega
O 19 de maio, o grupo Proteinleg desenvolveu unha xornada dirixida a
axentes do sector agroalimentario onde, vía Teams e de forma gratuíta,
se debullaron as consecuencias que a guerra de Ucraína está a reflectir
na nosa gandería.
Tendo en conta que Ucraína era un gran exportador de cultivos esenciais
para o sector agroalimentario en Europa e que a guerra pechou a súa
subministración, a elaboración dos pensos veuse moi comprometida,
polo que se fixo necesario pensar en posibles solucións. A finalidade de
PROTEINLEG, como Grupo Operativo de carácter supra-autonómico, é
desenvolver novas fontes de alimentos ricos en proteínas vexetais innovadoras e eficientes no uso dos recursos
a partir de leguminosas de gran, de aí que a súa achega resulte especialmente importante nestes intres.
Na charla participaron, ademais de AGACA (membro colaborador), Almacenes Gamallo, o Centro Tecno-
lóxico da Carne, a Fundación Empresa Universidade Galega (FEUGA) e Asoporcel.
Vegalsa-Eroski incrementa un 9,5% o investimento en
compras a provedores locais
A empresa galega de distribución alimentaria Vegalsa-Eroski
incrementou un 9,5% o seu investimento en compras a provedores
locais dende o inicio da pandemia. «Este incremento é unha boa
mostra non só da importancia que Vegalsa-Eroski outorga aos
produtos locais e de proximidade, senón tamén do gran crece-
mento e aceleración da tendencia de consumo de produtos
locais experimentado nos últimos anos», afirmou o director xeral
de Vegalsa Eroski, Joaquín González, no IX Encontro coa Industria
Alimentaria que a empresa organizou o 13 de maio, na Coruña.
En 2021, Vegalsa-Eroski colaborou con 905 provedores e pequenos
produtores locais, dos cales 732 son galegos, 114 castelán-leoneses e 59 asturianos. Esta alianza estratéxica co produtor
local trasládase ao investimento realizado, que foi de 400 millóns de euros o ano pasado, o que supón o 39% das
compras, fronte aos 364 millóns de 2019. Desa cantidade total, 335 millóns corresponden a compras a empresas
galegas. A nivel cooperativas, destaca a colaboración mantida con Horsal.
Caixa Rural Galega acada un beneficio de
6,32 millóns de euros
Caixa Rural Galega celebrou a súa Asemblea Xeral o 14
de maio, sendo o punto máis relevante da orde do día a
aprobación das contas do exercicio 2021, das que destaca
un beneficio neto de 6,32 millóns de euros, o que supón un
incremento do 10% respecto do ano anterior. Xa son nove
anos consecutivos medrando na cifra de resultados, dende
2013, tras a crise financeira de 2008.
Os activos superan os1.740 millóns de euros e supoñen un
crecemento do 18% respecto do ano anterior. Os depósitos
de clientes superan os 1.500 millóns de euros e o investimento
crediticio acada preto de 768 millóns de euros, o que supón
crecementos do 20% e do 11% respectivamente.
