Page 39 - revista agaca 157_web

39
DECLARACIÓN INSTITUCIONAL DE APOIO Á ECONOMÍA SOCIAL GALEGA
A economía social é un actor fundamental na
sociedade actual que achega formas organiza-
tivas que introducen un conxunto de principios,
valores e obxectivos comúns, a favor dun modelo
económico inclusivo, baseado no convence-
mento de que a primacía da persoa e do obxecto
social, a gobernanza democrática e participativa
e a aplicación dos principios de solidariedade e
responsabilidade permiten combinar actividades
económicas sustentables cun impacto social
positivo.
A economía social, presente en todos os recun-
chos do mundo, representa en España o 10% do
PIB, proporciona o 12,5% do emprego e vincula
o 42,8% da poboación. O mapa da economía
social en Galicia está formado por máis de 7.300
entidades e empresas, cun volume de emprego
estimado de 24.904 persoas traballadoras e máis
de 74.120 persoas socias, comuneiras ou mutua-
listas, xerando ao redor do 7% do PIB.
A economía social promove emprego estable e de
calidade, é pioneira en innovación social, ofrece
solucións a retos económicos e sociais, contribúe
activamente á cohesión social, a impulsar a
inclusión social, e é un modelo de igualdade de
oportunidades para todas as persoas. É, por tanto,
un actor clave para a consecución dos ODS
(Obxectivos de Desenvolvemento Sostible), xa que
proporciona respostas innovadoras ás necesi-
dades complexas e crecentes da poboación.
No camiño do recoñecemento institucional en
Galicia, non queremos deixar de lembrar a apro-
bación da Lei de economía social de Galicia
no ano 2016, así como a definición da política
pública de promoción da economía social
recollida na Estratexia Galega de Economía
Social e na constitución do Consello Galego
de Economía Social, ambos en 2019, co fin de
dispoñer dun marco de actuacións e un contexto
que fomenten a interlocución e o diálogo de
todos os axentes implicados.
tendencias
Con base en todo isto e seguindo a estela de
institucións europeas e españolas, o Consello da
Economía Social de Galicia solicitou o recoñece-
mento e apoio do Consello Económico e Social
de Galicia, cuxo Pleno aprobou, o 8 de novembro
de 2022, un manifesto no que se solicita:
— Compartir o recoñecemento por parte das
institucións públicas, reforzando a visibilidade e
a competitividade das empresas da economía
social mediante políticas públicas e calquera
outra iniciativa acaída a tal fin, en cooperación
cos axentes da economía social, buscando a
transversalidade, para mellorar a coherencia das
políticas e obter unha maior eficacia.
— Mellorar o nivel de coñecemento sobre as
empresas e entidades de economía social,
promovendo a cooperación entre o mundo
académico, os centros de investigación, os insti-
tutos de estatística e as entidades e empresas da
economía social.
— Apoiar a implementación da normativa e os
procedementos que fomentan obxectivos de polí-
tica social, como pode ser a contratación pública
socialmente responsable, así como a presenza
da economía social en todos os sectores e no
eido da educación, tanto nos procesos formativos
como de capacitación profesional, co obxectivo
de desenvolver competencias e reforzar habi-
lidades das persoas participantes, potenciais
impulsoras, integrantes e/ou beneficiarias da
economía social.
—Non esquecer, por último, a proposta de reforzar
as redes de actores públicos, privados e sociais
da economía e a sociedade, para fomentar o
crecemento económico e as políticas de inclu-
sión social no territorio.
Santiago de Compostela,
10 de decembro de 2021