Page 46 - revista agaca 156_web

46

novas

Nace Lola, o espumoso de Paco&Lola

«Un espumoso galego elaborado con uva albariño seguindo o método tradicional. Un brut
único con 24 meses de crianza en rima». Así defende a adega cooperativa Paco&Lola este
novo produto, que vén de saír ao mercado cunha produción limitada a só 8.282 botellas.
Cunha posta en escena impactante, a firma apostou por entrelazar tradición e vangarda coa
moda e a música, presentando o espumoso cun spot publicitario rodado no Teatro Principal de
Santiago de Compostela onde a canción escollida, «Midas», do grupo Tanxugueiras, fusión de
música tradicional galega con sons urbanos, serve de fondo á interpretación do artista coruñés
Xurxo Fernandes, quen loce un vestiario deseñado para a ocasión pola firma, tamén galega, Ïk.
Studio, que reinterpreta o traxe tradicional galego con toques contemporáneos.

CLUN sobe o prezo do leite por terceira

vez en seis meses

A cooperativa galega CLUN anunciou unha nova suba nos
prezos pagados ás persoas produtoras de leite socias da
cooperativa pola recollida do leite en orixe, co fin de contri-
buír a garantir a rendibilidade das explotacións lácteas
ante as subidas nos custos de produción, tales como a
electricidade ou os combustibles.
Esta é a terceira suba anunciada por CLUN en seis meses.
A medida súmase a outras accións xa implantadas na
cooperativa para compensar a subida dos custos de produ-
ción que afectan ás explotacións gandeiras, como o axuste
á baixa na tarifa dos pensos.

«Estamos realmente preocupados pola situación, e dende a cooperativa CLUN están a tomarse todas as
medidas posibles para rebaixar as presións que soporta o produtor, dende subir o prezo do leite en orixe ata
tratar de conter o máximo posible o prezo dos pensos», sinala Juan Gallástegui, secretario xeral de CLUN.

Campo Capela

prepara lotes de Nadal

A cooperativa Campo Capela, especializada na elaboración
de queixos e requeixo, preparara lotes de produtos de alta
calidade, como suxestión para agasallar este Nadal. Máis aló
da queixería situada na Capela (A Coruña), a tenda coa que
contan en Pontedeume e o posto co que contan no mercado
municipal téñense convertido en auténticos escaparates dos
tradicionais e tamén innovadores produtos elaborados pola
cooperativa.