Page 48 - revista agaca 156_web
P. 48
48
novas
Joaquín González Iglesias recibe a medalla de ouro
do Círculo de Empresarios de Galicia
A finais de novembro, o director xeral da
compañía galega de distribución alimen-
taria Vegalsa-Eroski, Joaquín González
Iglesias, recibiu o máximo recoñecemento
do Círculo de Empresarios de Galicia, a
medalla de ouro, ademais de ser nomeado
socio distinguido desta institución. O
galardón foi entregado polo presidente da
Xunta, Alberto Núñez Feijóo.
O acto de entrega da Medalla tivo lugar en
Vigo, no transcurso do evento conmemora-
tivo do XXIX aniversario da entidade.
Ternera Gallega estrea
a segunda tempada da súa Escola de Cociña
A Indicación Xeográfica Protexida Ternera Gallega lanzou
en Youtube e noutras redes sociais a segunda tempada
da súa Escola de Cociña, que contará con ata 13 novas
videorreceitas.
Da man do chef de Grupo Nove, Javier Rodríguez «Taky»,
a Indicación Xeográfica Protexida ensinará a coñecer
mellor o produto e os seus cortes para potenciar o seu
sabor e a súa versatilidade na cociña. Inclúe prepa-
racións para todos os gustos, dende pratos rápidos e
sinxelos ata grandes guisos para compartir, sen esquecer
as propostas máis saudables ou divertidas
Como novidade nesta edición, a Escola de Cociña de Ternera Gallega ofrece a consumidores e consumi-
doras información culinaria sobre cada un dos cortes ou pezas do vacún.
Sempre na nosa memoria, José Sancosme
Como presidente da cooperativa Os Irmandiños dende 1993 ata
2010, José Sancosme sempre se caracterizou por defender o move-
mento cooperativo e especialmente á entidade que el represen-
taba e que axudou a fundar en 1976.
Agricultor e gandeiro, de Ribadeo, non pasaba desapercibido.
Lembramos con agarimo o seu carácter aberto, simpático e
cargado de retranca co que sempre arrancaba os sorrisos dos
asistentes ás distintas Xornadas e reunións que organizabamos
dende a Asociación, das que foi un incondicional ata que deixou a
presidencia da cooperativa.
Pepe, aínda que nos deixaches en outubro, a túa figura permane-
cerá na nosa memoria para sempre.
