Page 41 - revista agaca 156_web

41

mundo cooperativo

I Foro Mulleres de Seu

O 15 de outubro tivo lugar en Bertamiráns (Ames) o
I Foro de Mulleres de Seu, a asociación de mulleres
promovida pola cooperativa CLUN, baixo o lema «O
liderado das mulleres no rural galego».

O acto serviu como conmemoración do Día Internacional
da Muller Rural e congregou a persoas socias de CLUN no
Pazo da Peregrina, onde houbo, a maiores, unha mostra de
entidades promovidas por mulleres.

Comezou coa mesa de exposicións «Derrubando barreiras:
novos escenarios para as mulleres no rural galego», onde
Silvia Chaves, de Transportes Chaves, presentou o estudo
A muller no sector transporte, Belén Rodríguez, da EFA
Fonteboa, citou oportunidades de formación específica
para profesionalizar o traballo da muller no rural e Loli
Couso, técnica de AGACA, contextualizou a igualdade na
integración cooperativa. A continuación, a mesa «Con voz
propia: experiencias de mulleres no desenvolvemento do
rural galego» acolleu a María Castro, Rosa García e Mónica
Landeira, socias de Mulleres de Seu, e ás emprendedoras
Vanessa Chico e Idoia Cuesta.

Por outra banda, na mostra, a cesteira Cuesta e a xoieira
Susi Gesto mostraron os seus produtos, como Toxogel
(cosmética), Orballo (infusións) e Serán (encaixe).

Houbo lugar tamén para as asociacións Alecrín (de
mulleres rurais de Melide) e Apetamcor (de transporte de
mercadoría por estrada), Trenzarte (de artesanía en palla)
e San Xoanciño (de alfombristas de flores) e a cooperativa
Lutega (lúpulo).

Carmen Rodríguez, vicepresidenta de CLUN e presidenta
de Mulleres de Seu, lanzou unha mensaxe de optimismo
«moi alta e moi clara: o medio rural coas mulleres ten futuro,
aproveitando a potencialidade do noso territorio».

Finalmente, María Jesús Lorenzana, conselleira de Emprego
e Igualdade, remarcou: «Non podemos prescindir na María Jesús Lorenzana e Carmen Rodríguez percorreron a
metade da nosa poboación que vive no 97% do territorio». exposición.

Nº 156 Decembro 2021