Page 12 - revista agaca 156_web

12

tendencias

As cooperativas, motor dunha recuperación

máis social, sostible e participativa

Ana Olveira e Carmen Rodríguez
(presidentas de EspazoCoop
e AGACA , respectivamente)
asinaron a Declaración.

AGACA e EspazoCoop - Unión de Cooperativas Galegas (quen integra a cooperativas galegas
de traballo asociado, de ensino, de consumo etc.) somos dúas das principais agrupacións
galegas do cooperativismo e, como tales, asumimos a tarefa de representar os intereses de
milleiros de persoas, socios e socias de cooperativas que operan en todos os sectores produ-
tivos e de servizos, dende o agro ata a educación.

Pese á potencia económica e, sobre todo, social do cooperativismo, quedan ámbitos nos que o
noso xeito de operar, poñendo á persoa como valor principal, non recibe toda a consideración,
todo o espazo que debería, a ollos das institucións e entidades públicas e privadas.

Grazas á potencia económica e, sobre todo, social do cooperativismo, sentímonos no deber
de reclamar o espazo e consideración que nos corresponden, para o que presentamos, o 4 de
novembro, a Declaración de Santiago de Compostela: un manifesto das fortalezas e recursos
que o movemento cooperativo achega á sociedade pero tamén un listado de peticións a
entidades e institucións, públicas e privadas, co propósito de lograr unha maior integración dos
esforzos de todos cara ao efectivo desenvolvemento económico e social de Galicia.

A continuación deixamos na súa integridade o texto.