Page 14 - revista agaca 156_web

14

tendencias

Por todo o mencionado é polo que a Unión de Cooperativas AGACA e a Unión de Cooperativas Espa-
zoCoop fan pública esta Declaración de Principios e solicitan das institucións e entidades, públicas e
privadas:

1. Impulsar ás cooperativas a través de políticas públicas, plans e accións concretos e acceso aos
fondos especiais de financiamento, conxuntamente coas persoas e entidades que compoñen
este movemento. O proceso de deseño e formulación destas políticas públicas deberá levarse a
cabo en cooperación coas entidades do eido cooperativo, buscando a transversalidade para
mellorar a súa eficacia e impacto no sector e no conxunto da sociedade.

2. Promover o modelo de desenvolvemento económico, social e ambiental que representa o coope-
rativismo, co obxectivo de consolidar no eido económico e empresarial a responsabilidade social
e ambiental e o bo goberno.

3. Apoiar a xeración de ecosistemas favorables ao cooperativismo e á totalidade da economía
social mediante un traballo conxunto entre Administracións públicas e o propio sector, para desen-
volver marcos legais, plans e estratexias que aseguren e configuren as condicións normativas
adaptadas ás súas particularidades e favorables ao seu desenvolvemento. Estas adaptacións
normativas deberán manter a esencia e os principios que definen ao cooperativismo, de igual
forma que permitirán a adaptación e creación de novas tipoloxías cooperativas que posibiliten e
potencien iniciativas e servizos dirixidos a atender necesidades reais, nun contexto cambiante.

4. Asegurar a existencia dun soporte financeiro axeitado para a consolidación dun cooperativismo
viable e sostible, incluíndo e fomentando o emprendemento e a consolidación das cooperativas,
mediante programas, proxectos e fondos europeos, estatais, autonómicos e/ou locais, favorecendo
a existencia dunha estrutura de financiamento axeitada. Garantir o acceso do cooperativismo

María Jesús Ana Olveira,
Lorenzana, Conselleira presidenta de
de Emprego e EspazoCoop.
Igualdade.