Page 13 - revista agaca 156_web

13

tendencias

DECLARACIÓN DE SANTIAGO DE COMPOSTELA 2021

As cooperativas, motor dunha recuperación máis social, sostible e participativa

Esta é a Declaración do movemento cooperativo galego, como axente activo, eficaz e comprometido co
desenvolvemento e o crecemento socioeconómico da nosa terra, Galicia. O cooperativismo leva apor-
tado moito ao desenvolvemento económico, tanto en termos de emprego, promovendo un emprego
estable e de calidade, como de xeración de riqueza e benestar social, así como en innovación social,
ofrecendo solucións participativas e corresponsables a retos económicos, sociais, dixitais, medioam-
bientais, enerxéticos ou demográficos. As cooperativas actúan tamén como axente de fixación da
poboación en zonas que padecen despoboamento e favorecen a igualdade de oportunidades para
todas as persoas, con independencia da súa condición ou xénero. Ademais, as cooperativas téñense
demostrado entidades resilientes chamadas a lograr, xunto co resto da economía social, unha recupe-
ración económica máis social, sostible e participativa.
O cooperativismo galego está formado na actualidade por 1.500 cooperativas activas, cun constante e
progresivo crecemento, incrementado nos anos de crise económica, identificándose como un modelo
empresarial que conta cunha maior capacidade de adaptación a un entorno cambiante como o
vivido nos últimos tempos. Esta situación actual non é froito da sorte, senón resultado do traballo que se
vén desenvolvendo dende as propias cooperativas, as súas asociacións representativas e as institucións
públicas competentes na materia. Un traballo coordinado que tivo o seu primeiro impulso relevante
coa aprobación da Lei 5/1998 de Cooperativas de Galicia e a creación, tres anos despois, do Consello
Galego de Cooperativas.

En Galicia as cooperativas están presentes en todos os sectores de actividade económica e empresarial,
liderando, en moitos casos, a innovación que neles se leva a cabo, ademais da súa implantación en
actividades sociais, culturais, asistenciais e humanistas de modo e forma incuestionable. A figura coope-
rativa ten moitas caras e moitas maneiras de manifestarse fronte á sociedade e as súas necesidades
e problemas, facéndoo sempre dunha maneira comprometida, solidaria, democrática e xusta. Os seus
principios e valores, aplaudidos internacionalmente, deben ser coñecidos e transmitidos ao conxunto da
cidadanía, para a súa posta en valor.

Cabe destacar o seu papel clave na xestión, administración e transformación dos actuais modelos
produtivos no sector primario, servizos, e industriais, pero tamén no eido dos coidados, a cultura, a
enerxía renovable e os novos modelos de vivenda. Este impulso na xestión, e transformador xunto coa
súa demostrada adaptabilidade, fan que este modelo empresarial se caracterice por xerar sistemas
económicos eficientes e resilientes.

O movemento cooperativo forma parte destacada da economía social e ambos o dous constitúense en
aliados imprescindibles, non só na estratexia de recuperación económica, senón tamén na implemen-
tación dos Obxectivos de Desenvolvemento Sostible (ODS) para o ano 2030. Porque os fins establecidos
polos ODS forman parte do ADN cooperativo. Así, a primacía das persoas e o obxecto social sobre o
capital, a gobernanza democrática e participativa, o reinvestimento de boa parte dos beneficios xerados
para asegurar a sostibilidade a longo prazo da empresa e a prestación de servizos aos seus membros e
ás comunidades locais, os empregos de calidade e a igualdade entre persoas son xa unha realidade
nas organizacións cooperativas e nos contornos onde estas operan.

No cooperativismo asumimos tamén o compromiso co desafío climático. As cooperativas están compro-
metidas coa loita contra o cambio climático e o reto da biodiversidade porque cremos firmemente que
o cooperativismo ten que formar parte da solución e porque sen sostibilidade económica non poderá
existir sostibilidade ambiental. A nosa contribución á fixación de poboación en todo o territorio, a aposta
polos coidados das contornas mariñas e a produción sustentable, en todos os ámbitos, son algunhas
das realidades das que o cooperativismo xa é un motor de cambio.

Nº 156 Decembro 2021