Page 7 - revista agaca 156_web

7

a fondo

A gandería está en apuros Gandeiros e gandeiras de Galicia e cooperativas gandeiras enfrón-
tanse nos vindeiros meses a unha profunda crise de sostibilidade
económica e a unha dura proba para evitar o abandono das explo-
tacións e o peche da actividade. A escalada de prezos das materias
primas de alimentación animal, dos carburantes, da electricidade
e dos fertilizantes colocan ao sector ante unha situación extrema-
damente difícil que fai poñer en risco os esforzos e investimentos
realizados por gandeiros e gandeiras. Estes movementos alcistas nos
custos de produción parecen non ter fin a curto prazo.

A propia Unión Europea (UE) recoñece que se está a producir un
incremento do custo da enerxía dende 2015. Este ano, concretamente,
o reporte do Estado da Enerxía na Unión indica: «Os prezos da enerxía
variaron violentamente a medida que a economía se contraeu debido
á Covid-19, e logo comezaron a recuperarse. Debido a combustibles
máis baratos, demanda moderada e rápida xeración de fontes reno-
vables, os prezos da electricidade a maioristas caeron drasticamente
en 2019 e os prezos negativos xeralizáronse en 2020.

Esta tendencia baixista volteou bruscamente: os prezos da electri-
cidade a maioristas aumentaron un 230% anual, cun impacto máis
moderado nos prezos minoristas ata setembro de 2021 (+11% de media
na UE). Isto foi impulsado polo ascendente prezo do gas, que tivo un
efecto no prezo da electricidade nove veces maior que o crecente
prezo do carbón no mesmo período».

Estamos apoiando aos socios, axustando as
marxes todas ao máximo.

Gerardo Canabal, Pico Sacro

Ao sector agricultor correspondíalle un 4% dos subsidios ofrecidos pola
UE en materia de enerxía entre 2019 – 2020; o 60% diríxíanse ao sector
enerxético e o 12% á industria.

Respecto dos pensos, como explicaba no anterior número desta revista
o director de AGAFAC, Bruno Beade, as materias primas para elaborar
os compostos sofren subidas de prezo que van dende o 30%,no caso
da soia 46,5%, ata o 95% que subiu a manteca.

Debemos facer que se cumpra a Lei da cadea
Presentación do Plan de Fomento da Intercoopera- de valor.
ción no sector lácteo de Galicia.
Daniel Ferreiro, Aira

En canto a outros insumos, o Índice de prezos agrarios pagados
polos agricultores que compila o Ministerio de Agricultura, Pesca e
Alimentación mostra unha suba constante na comparativa entre
2019, 2020 e 2021 (neste ano só hai datos ata xullo), onde os produtos
fitopatolóxicos pasan dunha media de 102,05 €/100kg en 2019 a
104,35 €/100kg en 2021; os tratamentos zoosanitarios pasan de 103,46
€/100kg a 105,04 €/100kg e os fertilizantes pasan de 96,85 €/100kg a
99,4 €/100kg (prezos sen IVE).

Nº 155 Decembro 2021