Page 47 - revista agaca 151_web

47

novas

«Vicius», de Viña Almirante,
Acio de Prata na categoría de

Elaboracións con Madeira Branco

Como cada ano, a Xunta entregou os premios das
Catas de Galicia correspondentes ás cinco D.O.
galegas. O viño «Vicius», da cooperativa Viña Almi-
rante gañou o segundo premio e obtivo o Acio de
Prata correspondente á D.O. Rías Baixas.

Participaron, nesta ocasión 116 mostras pertencentes
a 46 adegas inscritas a este selo de calidade.

FEIRACO RENOVA
O DESEÑO DOS SEUS ENVASES

Feiraco vén de lanzar ao mercado os seus cartóns cunha imaxe máis actual na que pon en valor os
seus principais valores: o seu modelo cooperativo e o compromiso con Galicia, coa sostibilidade do
rural, co consumo local e co medio ambiente. Así o recolle o lema que figura no frontal do cartón: «Só
leite da nosa cooperativa. Xerando valor dende 1968».
En liña con estas fortalezas, o lema «Alimentando un Xeito de Ser» continúa presente no envase como
parte esencial do logotipo da marca, como impulsor da mensaxe principal e da súa identidade
propia. Unha identidade que, tal e como se recolle neste novo deseño dos cartóns, pasa por elixir
unha cooperativa como é CLUN de máis de 2.500 socios onde os seus gandeiros venden directamente
o leite sen intermediarios; por elixir investir na viabilidade do medio rural galego; por elixir consumo
local e responsable e por elixir sostibilidade ambiental, porque as ganderías dos socios de CLUN están
situadas a menos de dúas horas da fábrica e porque no envase redúcense a 0 as emisións de CO .
2
O formato do envase mantén as súas características altamente innovadoras que facilitan o seu
emprego, favorecendo o vertido e evitando o goteo, así como a súa reciclaxe grazas ao seu práctico
sistema de pregado.
Neste novo deseño dos cartóns ponse tamén en valor o método Feiraco, un modelo 360 no que a
calidade se garante desde a orixe. Para iso, os cooperativistas de CLUN reciben asesoramento técnico
permanente para o coidado das vacas; elaboran os seus propios pensos que, xunto coas mellores
forraxes galegas, garanten a produción dun leite de calidade, 100% galego, xa que provén unicamente
das ganderías dos seus cooperativistas.

Nº 151 Decembro 2020