Page 49 - revista agaca 163_web

49

novas
AGACA comparte en Asturias os resultados do

proxecto de mellora da competitividade

nas explotacións leiteiras

COOPID é unha iniciativa de carácter europeo que identifica casos
de éxito na UE para mostralos e divulgalos despois e que sirvan como
referentes na implantación da bioeconomía no sector primario. O
pasado 23 de marzo, AGACA participou nunha xornada en Asturias
organizada por Cooperativas Agro-alimentarias de España para dar
a coñecer os obxectivos do proxecto e as accións que están a desen-
volver as cooperativas de leite neste senso.
Participaron no evento profesionais da gandería, técnicos e respon-
sables diversas entidades e cooperativas leiteiras entre as que se
atopaba AGACA que explicou o proxecto desenvolvido pola Asocia-
ción xunto con Biogroup (USC): «Mellora da competitividade das
explotacións de gando vacún de leite, a través da innovación
ecolóxica e a produción hipocarbónica mediante asesoramento
para a redución da pegada de carbono e pegada hídrica», cuxo
obxectivo era identificar os parámetros que máis inciden nas
emisións de gases contaminantes.
Tras estudar a emisión da pegada de carbono de 100 granxas produtoras de leite de Galicia, a media reflicte
unha emisión de 1,15 kg por litro de leite producido. Os maiores causantes desta pegada son o manexo dos
fertilizantes e dos pensos e a alimentación, a da pegada hídrica.

No número 161 de Cooperación Galega, o Caderno Técnico centrouse neste estudo:
https://agaca.coop/ag_revista/cooperacion-galega-no-161-decembro-2022/

Feiraco pon en marcha o movemento «Falarei!»
con motivo do Día das Letras Galegas

A empresa láctea galega Feiraco, integrada na Coopera-
tiva Rural Galega CLUN e con sede no concello coruñés de
Ames, puxo en marcha unha divertida iniciativa para cele-
brar o Día das Letras Galegas, que este 2023 homenaxeaba
ao escritor e intelectual de Lourenzá, Francisco Fernández
del Riego (1913-2010). «Soño unha Galicia ideal que no meu
tempo non se realizou, pero pode realizarse no futuro» esta
declaración do autor de Fernández del Riego en canto ao
idioma galego, inspirou esta campaña futurista de Feiraco.

Nos últimos anos, as estatísticas veñen reflectindo que en
Galicia se emprega cada vez menos a nosa lingua, espe-
cialmente entre a mocidade. Para animar ao uso do galego,
Feiraco imaxinou unha vaca que chega do futuro cunha
mensaxe e unha misión para todas e todos nós. E así o comunica nas caixas de leite enteiro, semidesnatado
e desnatado coa ilustración dunha vaca con lentes que vén do futuro. Para saber máis, un QR leva a páxina
da iniciativa falarei.gal que amosa unha historia e Feiraco divulgará un vídeo co desembarco da vaca do
futuro nun prado galego para lanzar a súa mensaxe de advertencia e unha solución aos galegos e galegas.
«Falarei!» é o movemento colectivo que propón esta campaña a través da vaca que chega do futuro. Nesta
liña, Feiraco busca o compromiso da sociedade co noso idioma, a través dun sinxelo e divertido xesto: poñer
unhas lentes de sol (ou utilizar o seu filtro exclusivo de Instagram) e subir un vídeo ás redes sociais dicindo «Eu
falarei!».

Nº 163 Maio 2023