Page 49 - revista agaca 154_web

49

novas
Martín Códax, cooperativa galega entre as recoñecidas

por SIGFITO como as que máis reciclaron en 2020

O sistema de recollida de envases agrarios recoñece a un
total de 27 empresas agrarias, cooperativas e distribuidores
que máis coidan do medio ambiente en toda España. Os
Premios SIGFITO distinguen aos puntos de recollida de cada
Comunidade Autónoma que máis envases reciclaron durante
o ano 2020 en dúas categorías: unha denominada Planeta
Verde, destinada a aquelas entidades que superaron a cifra
de 3.000 quilos de envases reciclados, e outra chamada
Cultivo Sostible, para aqueles puntos que están por debaixo
desa cantidade.

Na categoría de Cultivo Sostible, en Galicia, o recoñecemento
recaeu sobre Viticultores Martín Códax, S. Coop. Galega.

ACODEA e CLUN cooperarán co desenvolvemento da

gandería en países en desenvolvemento

CLUN e ACODEA asinaron un acordo de Cooperación que regula a participación de directivos, técnicos,
empregados e gandeiros de CLUN como agripoolers, para asesorar, proporcionar servizos de capacitación
e executar estudos de viabilidade para mellorar a posición das organizacións de produtores, cooperativas
e gandeiros nos mercados emerxentes. Actualmente son oito os expertos de CLUN que participan habitual-
mente nos asesoramentos, capacitacións e xiras de intercambio tanto presenciais como virtuais que organiza
ACODEA.
ACODEA cre firmemente que as organizacións de produtores e as cooperativas son un vehículo poderoso
e sostible para o crecemento económico, xerar emprego de calidade e superar a pobreza. Fortalecer as
estruturas destas organizacións e contribuír a que se doten institucións e persoas dos instrumentos necesarios
para facer fronte aos desafíos do mercado vai facilitar a participación dos pequenos produtores na toma de
decisións a todos os niveis, transformándose así en xestores do seu propio desenvolvemento. En 2014, ACODEA
integrouse como Agriagencia membro de AGRICORD, unha alianza global de agriaxencias, converténdose
na organización española de referencia en termos de cooperación ao desenvolvemento agropecuario e
cooperativo.
O acordo con CLUN contempla, ademais: o desenvolvemento de proxectos de cooperación conxuntos en
función da coincidencia das estratexias e obxectivos de ambas as organizacións; un proxecto de pasantías
para a formación presencial de gandeiros
de América Latina no ámbito de CLUN
e doutras cooperativas; a participación
mutua en eventos propios e de terceiros
de fomento do cooperativismo, formación
empresarial, despoboamento rural e outros,
así como a difusión de actividades desen-
volvidas.

Tamén nestes días CLUN asinaba un
compromiso pola inclusión das persoas con
discapacidade, con COGAMI.

Nº 154 Agosto 2021