Page 48 - revista agaca 154_web

48

novas

Cooperativas Agro-alimentarias de España organiza a
II Convención de Cooperativas

Cooperativas Agro-alimentarias de España orga-
nizou a II Convención de Cooperativas nos meses
de xuño e xullo a través de varios seminarios en liña.
O primeiro levou por título "Os retos do Cooperati-
vismo Agroalimentario da UE nos próximos 10 anos".
Contou coa participación de destacados expertos
da COGECA (Confederación de Cooperativas
Agroalimentarias da UE) e da Comisión Europea,
que expuxeron os seus puntos de vista, deNde unha
perspectiva global comunitaria e tamén por países,
sobre as oportunidades e retos que se presentan ás
cooperativas na nova era PAC.
As xornadas celebráronse en directo en liña. Comezaron coa inauguración por parte do presidente de Coope-
rativas Agro-alimentarias de España, Ángel Villafranca, e a directora de Negocio Agro-Santander España e
Europa, Lorena Ruiz. A continuación, interveu Roberto Berutti, do gabinete do comisario de Agricultura da
Comisión Europea, Janusz Wojciechowski, e, posteriormente, tivo lugar un debate entre representantes de
organizacións membro da COGECA de distintos países: Tina Linnainma (Finlandia), Leonardo Pofferi (Italia),
Bernard Ader (Francia), Jan Laustsen (Dinamarca), Elli Tsiforou (Grecia) e Pekka Pesonen (secretario xeral do
COPA-COGECA). O debate estivo moderado polo presidente da COGECA, Ramón Armengol, representante de
Cooperativas Agro-alimentarias de España.

Gabriel Trenzado, director técnico de Cooperativas Agro-alimentarias de España, resumiu as conclusións do
debate destacando que o modelo de cooperativo agroalimentario segue sendo un modelo útil e de actua-
lidade, debendo mirar ao futuro e ser unha ferramenta ofensiva para ser pioneiro na adaptación á nova
realidade e que a substitución xeracional e integración da muller son claves de futuro,polo que é necesario
acompañar ás persoas novas nos proxectos acometidos.

Por outra banda, houbo acordo en que a marca cooperativa ten un gran potencial ante a sociedade e o
consumidor, ao ser percibida como un produto de proximidade e con valores sociais aínda que hai que
potenciala e en que as cooperativas teñen unha posición ideal para afrontar retos de sustentabilidade
ambiental e aplicar a innovación en toda a cadea.

Condes de Albarei presenta a súa nova imaxe

A adega Condes de Albarei presentou a nova imaxe do seu buque insignia, o albariño Condes de
Albarei. A adega emprendía con este viño un soño en 1988.

O elemento central da nova etiqueta de Condes de Albarei é a circunferencia que representa
á uva albariño: a razón de ser da adega, e o mimo e traballo que os viticultores dedican aos
seus viñedos para conseguir unha uva excelente.

Nesta nova imaxe tamén queda plasmada a súa esencia, dada polo privilexiado enclave no
que está situada a adega: as Rías Baixas, o val do Salnés, a Ría de Arousa e o océano Atlántico.
As rías móstranse presentes na cor verde da botella e na súa etiqueta.

Por outra banda, a bodega resultou premiada no prestixioso Challenge International du Vin
de Burdeos, recibindo a Medalla de Ouro o albariño Condes de Albarei "Carballo Galego" da
anada 2017.