Page 47 - revista agaca 153_web
P. 47
47
novas
Carmen Rodríguez, presidenta de Mulleres de
Seu, de Clun, premio «Mujer Agro 2020»
A actual presidenta da asociación Mulleres de Seu, e
vicepresidenta de Nós, as Mulleres (Asociación Galega
de Mulleres de Cooperativas Agroalimentarias) recibía,
a mediados de abril, o premio «Mujer Agro 2020» conce-
dido por Axencia Siete Agromarketing e eComercio
Agrario, polo seu papel como impulsora do proxecto
Mulleres de Seu e a súa traxectoria na cooperativa Clun.
Nunha gala celebrada en Mercamadrid, a III edición
destes premios desenvolveuse cun formato híbrido
presencial-online, no que participaron numerosos
representantes do sector e autoridades de referencia no
panorama nacional. O xurado destacou a «altísima calidade» da vintena de candidaturas presentadas nas
cinco categorías concorrentes: Muller, Emprendemento, Empresa, Home e Xuventude.
Con esta acción recoñécese a Rodríguez como exemplo de apoderamento da muller e de impulso á igual-
dade no sector agroalimentario xa que os premios Mujer AGRO, xunto ao resto de accións do Proxecto Mujer
AGRO, baixo o lema «A igualdade é tarefa de tod@s», teñen como obxectivo visualizar ás mulleres e empresas
que traballan pola igualdade agroalimentaria e poñer en valor á muller agroprofesional, cuxo papel é cada
vez máis significativo.
Aira inviste máis de 1,5 millóns de euros
no parque de maquinaria
A cooperativa agrogandeira Aira, con sede central en Taboada (Lugo), adquiriu, entre outros equipos, tres
colleitadoras, oito segadoras, oito tractores e 10 remolques nun proceso de renovación e ampliación do
seu parque de maquinaria. A operación permítelle
incrementar os servizos á súa base social coa crea-
ción de dous novos puntos con equipos básicos de
maquinaria fixa en Sarria e Guntín e aumentarán as
prestacións para Silleda.
A compra da maquinaria, que comezou a fraguarse
a finais do pasado ano, supón un investimento de
máis de 1,5 millóns de euros e implica tamén a
contratación de oito persoas.
BASF e AgBiome traballan conxuntamente para
lanzar un novo funxicida biolóxico
BASF e AgBiome asinan un acordo para traer un novo funxicida
biolóxico ao mercado europeo e en países clave de Oriente Medio
e África. Este funxicida con múltiples modos de acción ten función
preventiva e duradeira sobre unha ampla gama de enfermidades
do chan e foliares e o seu uso estará dispoñible para horta, plantas
ornamentais e céspede.
Os primeiros lanzamentos agárdanse para 2024/ 2025.
Nº 153 Maio 2021
