Page 49 - revista agaca 153_web

49

novas
ABANCA reafirma o seu compromiso co agro nun

Encontro dixital sobre a PAC

«Considerando o volume de financiamento que dedicamos ás actividades agroalimentarias en relación co
volume total dirixido a actividades produtivas, ABANCA é unha entidade máis orientada ao sector primario
que a media do sector financeiro», indicou o conselleiro delegado de ABANCA, Francisco Botas, no discurso
de apertura do encontro dixital dedicado á próxima reforma da Política Agraria Común da Unión Europea,
desenvolvido a finais de marzo e onde reafirmou o compromiso da entidade co sector primario.
Higinio Mougán, director xerente de AGACA indicou que «o sector vai ter que realizar un esforzo de adaptación
aos novos requisitos ambientais".
Ignacio Atance, subdirector xeral de Planificación de Políticas Agrarias do Ministerio de Agricultura Pesca e
Alimentación, sintetizou as características da futura PAC nunha "maior orientación ao rendemento e aos resul-
tados tanxibles, e menos ao cumprimento e ás normas; un novo método de traballo, a través dun único plan
estratéxico que abarque as axudas directas, as medidas de desenvolvemento rural e os programas sectoriais;
unha maior ambición en canto ao medio ambiente e á acción polo clima; e un trato máis equitativo mediante
unha maior orientación ás pequenas e medianas explotacións familiares".

Jorge Piñeiro, subdirector xeral de Xestión PAC da Consellería de Medio Rural da Xunta de Galicia, situou os
obxectivos de Galicia ante a reforma da PAC en "manter un nivel de apoio á renda dos agricultores similar ao
período actual e en avanzar cara a unha redistribución de axudas cunha maior equidade na repartición e un
maior apoio aos pequenos e medianos produtores".
O conselleiro do Medio Rural, José Gonzállez, pechou o acto
destacando a importancia de entidades financeiras como
ABANCA na xestión destes fondos europeos e lembrou que
grazas á súa implicación moitos agricultores e gandeiros
galegos puideron percibir o anticipo das axudas da PAC xa
no verán pasado, para inxectarlles liquidez debido á emer-
xencia sanitaria.

SIGFITO promove GIRA, plataforma participativa para

solucionar os residuos agrarios

O proxecto para a Xestión dos Residuos Agrarios (GIRA) créase co obxectivo de ser a primeira plataforma do
mundo rural que promova iniciativas para ofrecer solucións á xestión dos residuos que se xeran no ámbito
agropecuario.
Neste momento, o proxecto GIRA, que conta xa co apoio do Ministerio de Agricultura e do Ministerio para a
Transición Ecolóxica, está integrado por Cooperativas Agro-alimentarias de España e as principais Organiza-
cións Profesionais Agrarias, ASAJA, COAG e UPA, como repre-
sentantes e coñecedores de primeira man da actividade
agraria e, polo tanto, dos problemas aos que se enfrontan
os produtores coa xestión dos residuos. O seguinte paso é
complementar a experiencia do sector agrícola coa de
axentes representativos do sector ambiental.
A través da web www.proyectogira.org irase engadindo
información sobre a análise dos residuos agrarios e a identi-
ficación dos fluxos máis problemáticos e que poden estar a
carrexar un risco ambiental. Ademais, informará de solucións
e iniciativas que se poidan exportar como experiencias
piloto de recollidas de residuos ou calquera iniciativa que se
acorde nas reunións da plataforma.

Nº 153 Maio 2021