Page 47 - revista agaca 152_web

47

novas
Mulleres de Seu únese ao proxecto

Ganadería en Femenino, de Zoetis

A Asociación para o apoderamento da muller na área
cooperativa de Cooperativas Lácteas Unidas -CLUN, Mulleres
de Seu, súmase ao proxecto Ganadería en Femenino lide-
rado pola empresa de saúde animal Zoetis, no que xa parti-
cipaban Ganaderas Asturianas e a Asociación de Mujeres
de Cooperativas Agroalimentarias de España -AMCAE.
Trátase dun proxecto inclusivo que ten como obxectivos
fundamentais: contribuír a unha maior visibilidade da muller
no ámbito da gandería, mellorar as súas competencias a
través dunha formación adaptada e recoñecer o seu papel
no desenvolvemento económico e social do contorno rural,
a través do Premio Zoetis outorgado anualmente ás mulleres
que destaquen polo seu labor e contribucións.
Mulleres de Seu nace en 2013 co fin de fomentar o apoderamento das mulleres e contribuír ao seu desenvol-
vemento profesional e liderado, dignificando o papel da muller nas zonas rurais.

UCOGA abre nova oficina en Santiago

Dende o 18 de xaneiro, UCOGA conta cunha nova oficina en
Santiago, situada na Rúa San Lázaro. Súmase así ás existentes
no compostelán Polígono do Tambre, á situada no concello de
Santa Comba e ás de Sarria e Chantada, en Lugo.
Coa inauguración desta oficina, ábrese un novo ciclo para
esta corretoría que nacía en 2013 co fin de achegar solucións
aseguradoras na área agrogandeira e de transportes e que,
agora busca ampliar mercado entre un público xeral, máis
urbano, alén de continuar traballando co sector rural, principal
público obxectivo.

Os seguros agrarios incrementáronse un 5% en 2020

A Entidade Estatal de Seguros, Enesa, evidencia que a contratación de
seguros agrarios experimentou unha evolución moi positiva ao longo
do ano 2020, tanto dende o punto de vista das pólizas contratadas,
como da superficie, produción e capital asegurados. As pólizas ascen-
deron a 416.000, un 5% máis que o exercicio anterior, mentres que a
superficie asegurada alcanzou os 7,8 millóns de hectáreas, un 23%
máis.

En canto ao capital asegurado, obtívose un novo récord, superando os
15.200 millóns de euros.

ENESA, organismo dependente do Ministerio de Agricultura, Pesca y
Alimentación (MAPA), considera que estes datos son indicativos “da
implantación, cada vez máis arraigada, da cultura do seguro agrario”.

Nº 152 Marzo 2021