Page 48 - revista agaca 152_web

48

novas

As cooperativas Carqueixa e Verín Biocoop,
candidatas ao premio XXI Aresa

As cooperativa A Carqueixa, centrada na produción de carne
na zona de Cervantes (Lugo), e a ourensá Verín Biocoop, espe-
cializada na comercialización de carne de vacún de produción
ecolóxica, optan, entre outras 14 candidatas, aos XXI Premios
Aresa de Desenvolvemento Rural 2020, convocados pola Univer-
sidade de Santiago de Compostela e o Grupo Aresa e previstos
para o 22 de marzo.
Comparten candidatura coa Cátedra Da Cunha do pan e
do cereal (Campus Terra da USC); co Centro de Promoción
Rural-EFA Fonteboa; con Aireoá, granxa dedicada á produción con Galiña de Mos; co Mundo do Souto,
proxecto para a recuperación dos soutos tradicionais e o impulso de novas plantacións de castiñeiro de froito;
con H2GZ Terrazas Agrícolas Robotizadas en Mondoñedo, proxecto para a produción agrícola en montañas;
con Muuhlloa, cosmética 100 % galega realizada con produtos ecolóxicos procedente da sinerxía de Granxa
Maruxa e Milhulloa; con Arnigal Cultivos, proxecto sobre o aproveitamento económico racional da Arnica
montana en Galicia a partir do seu cultivo e transformación; coa cooperativa de gandería ecolóxica As
vacas da Ulloa; Trigo y Limpio, produtora de fariña de trigo autóctono, moída á pedra e envasada de forma
artesanal; Gandería Quintián, gandería familiar de produción de leite con elaboración e comercialización de
leite fresco e pasteurizado; co Sistema comunal de xestión da Comunidade Montes Veciñais en Man Común
de Couso (Pontevedra); Corazón de Carballo, centro de ocio, tempo de lecer e servizos; con Conservas do
Támega, dedicada á elaboración de conservas vexetais, e con Estratexia de loita ecolóxica fronte á praga da
rata toupa, de Pablo Sánchez Quinteiro.
O galardón premia iniciativas e proxectos presentados por entidades, empresas, grupos de investigación,
asociacións ou persoas individuais, que contribúan de forma decisiva a crear emprego e riqueza nos ámbitos
agrícola e/ou gandeiro. Nesta ocasión, valorará especialmente aquelas iniciativas que redefiniran o seu
modelo de negocio durante a pandemia, creasen un novo proxecto ou axudasen a outros nesta nova reali-
dade.

Delagro cambia as súas carretillas térmicas por
elevadoras eléctricas

En liña coas directrices de responsabilidade social de Delagro, a cooperativa apostou por investir en carretillas
eléctricas con batería de chumbo acedo, que causan un 42% menos de CO2 que as de combustión diésel.
Este cambio vén da man de Jungheirich, provedor de solucións de intraloxística da cooperativa dende hai
máis dunha década. Entre os beneficios sinalados grazas ao cambio figuran: a redución dos custos enerxé-
ticos, xa que a eficiencia enerxética do motor das carretillas eléctricas é de máis do dobre que a das carre-
tillas diésel e de gas, menor contaminación en pegada
de carbono, cero restricións para uso subterráneo ou en
interiores, menos contaminación acústica, a mercadoría
transportada elude o risco de contaminarse ao non
emitirse gases contaminantes á atmosfera, polas súas
características físicas teñen mellor maniobrabilidade e
alcanzan unha mellor aceleración e menor velocidade de
elevación con carga.
Segundo a marca, a seguridade e ergonomía destas
carretillas minimizan os custos persoais operativos s e a
súa alta eficiencia enerxética permite reducir o consumo
enerxético e obter un rendemento máximo.