Page 49 - revista agaca 152_web

49

novas
Agripooler galegos desenvolveron

nove misións online en 2020

Os Agripooler son os membros, directivos e empregados
de cooperativas e organizacións de produtores espa-
ñolas e doutros países dispostos a compartir a súa expe-
riencia e coñecementos cos seus colegas de países en
desenvolvemento.

En misións de curta duración, os Agripoolers asesoran aos seus homó-
logos en temas que van dende o desenvolvemento de negocio ata a
xestión financeira, pasando pola planificación estratéxica, produción e
procesamento, gobernanza, comercialización colectiva, xestión finan-
ceira, prestación de servizos a socios ou acceso ao crédito.
Dende marzo e ata novembro de 2020, representantes das cooperativas
Clun e Delagro participaron en nove misións para Acodea, agriaxencia
de cooperación internacional para o desenvolvemento de fala hispana
e tamén para Agriterra, especialista internacional en desenvolvemento
cooperativo.

As temáticas abordadas polas persoas expertas das cooperativas
versaron sobre series de Webinars para a Xestión do Coronavirus en Organizacións de Produtores, medidas
actuais e perspectivas do comercio mundial da industria láctea, asesoría en RRHH, abastecemento de forraxe
de calidade, asesoría en temas de gobernanza, os modelos cooperativos e a xestión da produtividade e da
calidade en plantas de transformación de lácteos.
Os países receptores foron Colombia, Nicaragua, Chile, Bolivia e Perú.

ABANCA organizou unha xornada sobre a

Reforma da PAC

Titulada "Próxima reforma da PAC. Principais novidades", o 10 de marzo, a entidade bancaria tivo como
convidados ao subdirector xeral de Planificación de Políticas Agrarias do Ministerio de Agricultura, Pesca e
Alimentación, Ignacio Atance, para abordar os "Aspectos máis relevantes da próxima reforma da PAC"; a
Jorge Piñeiro, subdirector xeral de Xestión da PAC, da consellería do Medio Rural da Xunta de Galicia, quen
puxo en contexto os "Cambios máis relevantes dende a perspectiva dos beneficiarios de axudas PAC en
Galicia” e a Higinio Mougán, o director-xerente de AGACA, que explicou as implicacións da reforma da PAC
nos sectores de vacún de leite e carne.

A xornada foi introducida por Francisco Botas,
CEO en ABANCA, e Jesús Combarro, director
de ABANCA Agro. Pechou a xornada, o conse-
lleiro do Medio Rural, José González.
Así, de forma telemática, e aberta a preguntas,
ABANCA afrontou unha temática de grande
interese para os profesionais da agrogandería
galega resolvendo as principais incertezas
que sempre xeran as reformas da PAC (Política
Agraria Común) e informando da apertura da
tramitación das axudas na propia entidade
bancaria.

Nº 152 Marzo 2021