Page 49 - revista agaca 160_web

49

novas

O curso sobre certificacións, pegada de
carbono e hídrica xa vai pola décima edición

«A economía social e a modernización do sector agroali-
mentario: certificacións de calidade e medioambientais» é
un ciclo formativo gratuíto que busca promover as oportu-
nidades que a economía social e a implantación destas
certificacións supoñen para modernizar as explotacións
agroalimentarias.
Dende que se iniciou, en 2020, esta modalidade formativa
está a acadar un grande éxito de participación, desen-
volvéndose a décima edición durante todo este mes de
outubro (e a novena do 19 de setembro ao 19 de outubro),
a través dunha plataforma de formación online aberta 24
horas para o alumnado.
A formación consta de tres unidades didácticas: Coope-
rativismo no sector primario, Certificacións de calidade (ISO, GLOBALG.A.P., BRC/IFS e certificacións de vacún
de leite) e Certificacións ambientais (ISO, análises de ciclo de vida, pegada de carbono e pegada hídrica).
Esta actividade enmárcase no programa de actuación 2022 da Rede Eusumo. A Rede Eusumo é unha rede
de colaboración impulsada pola Secretaría Xeral de Apoio ao Emprego, Traballo Autónomo e Economía Social
da Consellería de Promoción do Emprego e Igualdade para o fomento do cooperativismo e a economía
social que conta co financiamento do Ministerio de Traballo e Economía Social.

O Grupo Caja Rural duplica a súa achega a

Cáritas no Día Solidario

Un ano máis, todas as entidades que forman o Grupo Caixa Rural e o equipo ciclista Caixa Rural-Seguros RGA
uníronse para achegar o seu gran de area a un proxecto solidario. Trátase de continuar co labor social que
forma parte do ADN do Grupo Caixa Rural e que se transmitiu ao equipo Caixa Rural-Seguros RGA, que se
estableceu como o equipo máis solidario do pelotón.
O Día Solidario, que conta co apoio e a implicación de todos os empregados do Grupo Caixa Rural, tivo lugar
o 29 de setembro. Esta vez, debido á situación socioeconómica, o Grupo apostou por duplicar a súa achega,
doando o 20% das pólizas de seguros que se venderon ese día.
O obxectivo é colaborar co labor de Cáritas a través do seu Programa de Acollida e Atención Primaria, un
programa que cobrou especial relevancia na actualidade, coas economías familiares minguadas pola situa-
ción económica e coas dificultades derivadas da guerra de Ucraína.
Grazas a este programa, acóllese
ás persoas ofrecendo un espazo de
atención e escoita dende o respecto
e a dignidade para mellorar a súa
calidade de vida. Cáritas atende
as necesidades básicas mediante
axudas de primeira necesidade:
alimentación, vivenda ou saúde,
entre outras.

Para dar visibilidade á acción, traba-
llouse nunha imaxe identificativa
do Día Solidario: unha man cos
dedos índice e corazón levantados
formando unha V.
Nº 160 Outubro 2022