Page 38 - revista agaca 159_web

38
tendencias
CULTIVA22 ofrece estadías formativas en
explotacións de toda España
O programa CULTIVA22 ofrece estadías formativas de 5 a 14 días en explotacións de toda
España para mozos e mozas que traballan en agricultura e gandería.
O Ministerio de Agricultura, Pesca e Alimentación
impulsa CULTIVA22, programa que se dirixe a
profesionais da agricultura e a gandería incorpo- Esta explotación situada en Miño (A Coruña)
rados como responsables de explotación neste
ano ou nos cinco anteriores, e que tivesen menos
de 41 anos no momento da incorporación.
Ofrece acceso a formación práctica e coñe-
cementos útiles para o desenvolvemento da
actividade agraria, mediante estadías formativas
(de 5 a 14 días) en explotacións modelo situadas
fóra da Comunidade Autónoma da que proceda
cada participante, con visitas técnicas comple-
mentarias.
O prazo de solicitude de prazas rematou o 25
de agosto, tras unha ampliación, polo que nas
vindeiras semanas se coñecerá o listado de
persoas beneficiarias desta convocatoria.
Esta é a terceira vez que Cooperativas Agro-ali-
mentarias de España, en conxunto coas súas
Federacións e Unións de cooperativas autonó-
micas, colabora co Ministerio para conseguir
explotacións modelo de acollida para os mozos
e mozas. Foron aprobadas 76 explotacións, o total
das candidatas que se presentaron.
Explotacións galegas
En 2022, sete explotacións galegas están
dispostas a recibir mozos e mozas e mostrarlles o
seu modelo de traballo.
Lutega S. Coop. Galega
A cooperativa Lutega, que cultiva lúpulo, acollería
visitantes en Abegondo (A Coruña), ben en
outubro deste ano, ben en abril de 2023.
É a impulsora do primeiro Grupo Operativo de
Innovación europeo dedicado ao cultivo de
lúpulo. O obxectivo de Lutega é a reimplantación
do cultivo de lúpulo en Galicia e realiza o ciclo
completo de cultivo e transformación da planta
ata a súa chegada ao «mestre cervexeiro».
Granxa O Cancelo
pertence ao sector vacún leiteiro e está vinculada
á Cooperativa Agraria Provincial de A Coruña.
Maio e xuño de 2023 serán os meses en que, de
recibirse solicitudes, acolla visitantes.
Cría vacas de raza Holstein en intensivo, cuxo leite
se emprega nos xeados artesanais da marca
Bico de Xeado.
Granxa A Esperanza
Tamén vinculada á Cooperativa Agraria Provin-
cial de A Coruña, esta granxa de San Sadurniño
cría, en intensivo, vacas leiteiras de raza Jersey e
abriría as súas portas en maio e xuño de 2023 a
xóvenes participantes.
Gandeiría Sar de Serráns
Situada en Mazaricos (A Coruña), a explotación
de vacún de leite en intensivo ofrece cinco
períodos de estadía dende outubro de 2022 ata
xuño de 2023. Está asociada á cooperativa Clun.
Destaca polas súas instalacións de nova cons-
trución, con sala de muxido de 20 puntos. Conta
con certificacións de Benestar Animal e ISO 2200.
Ganadería Queirugueira
Produce, en Val do Dubra (A Coruña), leite de
vacún en semi-intensivo. Ofrecen seis estadías
entre outubro de 2022 e maio de 2023. Está
asociada a Clun.
Albergan 400 cabezas entre animais en produ-
ción e reposición e venden tanto leite coma
carne, tendo como actividades complementarias
a venda de animais e de xenética a explotacións
e centros de inseminación. A explotación é auto-
suficiente en produción de forraxe (115 ha con
rotación de raigrás e millo) e está a traballar na
robotización de procesos de muxido e alimenta-