Page 38 - 147_interactivo.pdf

38
mundo cooperativo
AOS NOSOS POLÍTICOS...
Aínda que, de momento, as eleccións están suspendidas queremos que os políticos que nos representan estean ben informados da situación do sector agrogandeiro e cooperativo galego; que coñezan a nosa realidade, as necesidades, fortalezas ou tendencias cara ás que nos diriximos. É o modo en que despois, cando se retomen, poderán defender as posturas máis convenientes para manter un sector imprescindible, competitivo, respectuoso co medio ambiente e coa seguridade; que vai en paralelo ou por diante das demandas dos consu- midores; que promove a estabilidade laboral, o desenvolvemento do rural e que defende o respecto a valores como a cooperación, o compromiso, a autonomía, a xestión democrática, ou a participación económica na empresa, entre outros.
Con este obxectivo, dende AGACA, antes de vernos inmersos na rede do coronavirus, fixemos chegar aos principais partidos políticos un extenso documento explicativo e informativo do que aquí expoñemos un pequeno extracto, xa que é demasiado amplo para incluílo na súa totalidade.
PAC 2021-2027
A PAC debe dotarse dun orzamento axeitado para cumprir os obxectivos. Cómpren medidas concretas e axudas específicas de apoio ao papel das cooperativas e dos grupos coopera- tivos: a modulación e limitación das axudas non debe afectar en negativo ás cooperativas de explotación comunitaria da terra. Hai que revisar a normativa europea da competencia para que se creen mecanismos de mercados anticipadores.
A PAC verde debe contemplar a viabilidade da actividade agrogandeira e reforzar o acceso á
innovación dos gandeiros e agricultores; medidas audaces para incentivar á mocidade a integrarse en cooperativas; asesoramento aos produtores previo recoñecemento da prestación do servizo por parte das cooperativas.
Non hai ferramentas de xestión de mercados, o sector segue exposto e sabemos que desman- telar a PAC tería consecuencias imprevisibles.
PROGRAMA DESENVOLVEMENTO RURAL
É fundamental axilizar a resolución dos expe- dientes de axuda e normalizar as convocatorias anuais de axudas ás industrias agroalimentarias para investir en equipamento e maquinaria.
Cómpre manter e impulsar o sistema de Asesora- mento a explotacións e manter e apoiar econo- micamente ás Agrupacións de Defensa Sanitaria Gandeira e ás Agrupacións de Sanidade Vexetal.