Page 15 - revista agaca 151_web

15
Creadas sete novas cooperativas co
Itinerario do Emprendedor
AGACA creaba en 2018 o Itinerario do Empren-
dedor como un plan de acción, de seguimento e
axuda á mocidade emprendedora no marco da
economía social a través dos efectivos técnicos
da Asociación.
Os principais obxectivos sobre os que se articula
esta iniciativa comprenden a dinamización de
persoas potencialmente emprendedoras para
crear grupos de promotores que poidan poñer
en marcha empresas cooperativas, o titorado e
asesoramento para a conformación da socie-
dade cooperativa e para os primeiros pasos da
empresa durante os primeiros anos de actividade
e un servizo de acompañamento y asesoramento
na travesía empresarial.
Rematado o asesoramento, as persoas empren-
dedoras poderán exercer a actividade agro-
gandeira de forma profesional e autónoma
constituíndo unha entidade de economía social,
un xeito de garantir a sostibilidade das coope-
rativas a longo prazo. O 100% dos participantes
serán membros constituíntes dunha cooperativa
agraria ou outra fórmula de economía social, ou
ben, unha nova incorporación en calidade de
persoa socia a unha cooperativa existente.
No transcurso dos máis de dous anos de
duración do proxecto, dende maio de
2018 ata decembro de 2020, asesoráronse
11 grupos emprendedores constituíndose
realmente sete entidades cooperativas.
No transcurso dos máis de dous anos de duración
do proxecto, dende maio de 2018 ata decembro
de 2020, asesoráronse 11 grupos emprendedores
constituíndose realmente sete entidades coope-
rativas.
En todos os casos se deseñaron e validaron os
modelos de negocio, estudouse a viabilidade,
explicáronse os procedementos e obrigas fiscais,
laborais e administrativas para a posta en marcha
do proxecto, diferenciando como afectaría ao
negocio as obrigas fiscais e laborais segundo o
tipo de sociedade constituída.
tendencias
COOPERATIVAS CONSTITUÍDAS
BIOAPICULTURA, integrada por catro persoas
emprendedoras, persegue transformar e
comercializar a produción das súas explota-
cións de apicultura ecolóxica.
IBERICA DEL KIWI, integrada por tres persoas
emprendedoras para transformar e comer-
cializar a produción das súas explotacións
de kiwi.
LAS PUERTAS DEL EXITO. É unha cooperativa
xuvenil, creada por tres persoas co fin de
asumir o traspaso dunha cafetería e crear os
seus propios postos de traballo.
CABRINFOLLA Sete persoas crearon unha
cooperativa agraria para transformar e
comercializar a produción das súas explota-
cións de mazá para elaborar sidra.
OURENSANA DO MIÑO. Dúas persoas
conforman esta cooperativa de traballo
asociado para desenvolver a actividade de
prestación de servizos agrarios en viñedo
e forestal, basicamente, creando os seus
postos de traballo.
PENADRADA, cooperativa agraria de pres-
tación de servizos de maquinaria agrícola
constituída por seis mozos e mozas. As
actividades principais abranguen as tarefas
necesarias nas explotacións socias: laboreo
de fincas, semente e recollida de forraxes,
preparado da alimentación para o ganado
vacún etc.
DSEGUIDA é unha cooperativa de traballo
asociado deseñada para colaborar cos
establecementos da comarca de Sarria
en condicións de ofrecer ás persoas,
principalmente do rural, mediante chamada
telefónica ou a través dunha plataforma
online, os servizos de compra e transporte
de todo tipo de produtos ao por menor, ao
domicilio dos solicitantes ou o transporte dos
produtos mercados. Intégrana tres persoas
emprendedoras.
Nº 151 Decembro 2020