Page 7 - revista agaca 151_web

7
«Noso» somos nós, as cooperativas,
a nosa esencia, e por iso é a nosa
marca cooperativa
Isto é o que representa «Noso», somos nós, as
cooperativas e todo o que nos rodea. Por fin, temos
un distintivo que permite apoiar publicamente
as nosas cualidades. Dende a Asociación apos-
tamos por defender unha MARCA COOPERATIVA
complementaria á estratexia de diferenciación
que cada unha das empresas decida emprender
ou xa teña realizado.
Como primeira medida, esta distinción só será de
aplicación no marco das cooperativas agroali-
mentarias, o noso principal ámbito de actuación.
As propias cooperativas manifestaban o desexo
de que, ademais de consideracións sociais e
territoriais, a preocupación polo aspecto social
e a esixencia da orixe galega das cooperativas,
se establecese un estándar mínimo de calidade
e sostibilidade económica, social e medioam-
biental.
Finalidade da marca
Con esta medida, dende AGACA, pretendemos
axudar a asentar no mercado os seus produtos
e a dar unha maior visibilidade ás cooperativas
pequenas ou que están comezando o seu perco-
rrido e a aquelas xa consolidadas, ofrecerlles
unha ferramenta de diferenciación de produto
a fondo
fronte á competencia, amparadas en estándares
de calidade.
Búscase unha marca de garantía,
facilmente certificable, pero que goce
de rigor e credibilidade
A nosa marca está aberta ao acceso de coope-
rativas dos subsectores do leite, carne, viño e horta
e, tamén, ás empresas mercantís participadas na
súa maioría por capital procedente de coopera-
tivas, xa que participan do espírito cooperativo
que defendemos.
Búscase unha marca de garantía, facilmente
certificable, pero que goce de rigor e credibili-
dade.
Requisitos
AGACA vén de publicar o Manual da Marca
Cooperativa onde se recolle o Regulamento
de uso e os Pregos de condicións de acceso á
marca. O Regulamento inclúe o procedemento
que deben seguir as cooperativas para solicitar o
acceso á marca, o réxime sancionador en caso
de incumprimento dos requisitos e o funciona-
mento dos órganos encargados de velar porque
se sigan os parámetros establecidos: o Comité de
Verificación e o Comité de Garantía.
Nº 151 Decembro 2020