Page 6 - revista agaca 153_web

6

a fondo

Está Galicia promovendo efectivamente a integración das cooperativas galegas?

Comparativa entre Galicia e o resto de
Comunidades Autónomas

A que nivel está Galicia en comparación con
outras Comunidades Autónomas en canto ás
axudas ofertadas para promover a integra-
ción de entidades cooperativas, Sociedades
Agrarias de Transformación, Organizacións de
Produtores e outras fórmulas asociativas? Son
suficientes as iniciativas que ten activado a
Xunta nestes anos co fin de fomentar a unión
destas entidades para acadar unha dimen-
sión empresarial cooperativa potente? Temos
alcanzado un grao asociativo o suficiente-
mente relevante como para competir a nivel
nacional e internacional con outras entidades,
cooperativas ou non?

Cooperativas Agro-alimentarias de España e o Ministerio de Agricultura, Pesca e Alimenta-
ción (MAPA) colaboraron na edición dun estudo que recompila as políticas de integración
cooperativa desenvolvidas nas distintas Comunidades Autónomas (CCAA) nos últimos anos
e desvela as diferenzas entre as Comunidades Autónomas nesta materia. Xa sabemos que
as comparacións son odiosas, pero é inevitable, e tamén desexable, coñecer en que punto
estamos e valorar se é posible mellorar. As conclusións parecen claras.

Que son as Entidades Asociativas Prioritarias

As Entidades Asociativas Prioritarias (EAP) de carácter agroalimentario son unha iniciativa estatal creada para
fomentar a integración e/ou fusión de cooperativas e outras fórmulas de carácter asociativo coa finalidade
de alcanzar unha maior dimensión e así favorecer a súa capacidade de negociación e competitividade.
Nacen ao carón da Lei 13/2013 de 2 de agosto aínda que os requisitos para ser recoñecidas como tales
desenvólvense no Real Decreto 550/2014 de 27 de xuño.